Levitico 7:6 - Ang Pulong sa Dios

⁶ Makakaon sa nahibiling mga bahin niini nga halad ang tanang mga lalaki sa pamilya sa mga pari, apan kinahanglan nga ka-onon nila kini sa usa ka balaang dapit, kay kini nga dapit alang ra gayod sa Ginoo.

Ang Biblia 2011

⁶ Ang tanan nga lalaki sa banay sa mga pari makakaon niini. Kaonon kini diha sa dapit nga balaan. Kini labing balaan.

Maayong Balita Biblia

⁶ Ang tanang lalaki nga kaliwat sa mga pari makakaon niini. Kan-on kini didto sa dapit nga balaan kay balaan kaayo kini.

Ang Bag-ong Maayong Balita Biblia

⁶ Ang tanang lalaki nga kaliwat sa mga pari makakaon niini. Kan-on kini didto sa dapit nga balaan kay balaan kaayo kini.

Levitico 7:6 Cross References

Ezequiel 42:13

Miingon ang tawo kanako, “Kini nga mga kuwarto dapit sa habagatan ug sa amihan nga nag-atubang sa hawanan sa Templo balaan nga mga kuwarto. Kay dinhi ginakaon sa mga pari nga gahalad sa Ginoo ang labing balaang mga halad. Gamiton usab nila kini nga mga kuwartoha nga butanganan sa mga halad sa pagpasidungog sa Ginoo, mga halad sa paghinlo, ug mga halad isip bayad sa sala. Kay kini nga mga kuwartoha balaan.

Levitico 2:3

Ang nasobra sa harina nga gihalad iya na sa mga pari nga kaliwat ni Aaron, ug balaan kaayo kini tungod kay kabahin kini sa halad nga alang sa Ginoo.

Levitico 6:11

Pagkahuman, mag-ilis siya sa iyang bisti ug dad-on niya ang abo didto sa gawas sa kampo, sa usa ka dapit nga giisip nga hinlo.

Levitico 6:29

Makakaon niini nga halad ang tanan nga lalaki sa pamilya sa mga pari. Balaan kaayo kini nga halad.

Levitico 7:5

Sunogon kini sa pari diha sa halaran isip halad pinaagi sa kalayo alang sa Ginoo. Halad kini isip bayad sa sala.

Hageo 2:12

“Kong adunay usa nga magdala ug hinalad nga karne sa pilo sa iyang bisti, ug ang pilo nasaghid sa pipila sa tinapay o sabaw, pipila ka bino, lana nga olibo o uban nga pagkaon, dili ba kini mahimo usab nga sagrado?” ’ ” Ang mga kaparian mitubag, “Dili.”

1 Mga Taga-Corinto 10:18

Tan-awa ra gud ninyo ang katawhan sa Israel. Ang mga nangaon sa mga halad nakig-ambit sa buluhaton sa halaran.

1 Mga Taga-Corinto 9:13

Dili ba nasayod man kamo nga ang mga nag-alagad diha sa templo diha usab mokuha sa ilang pagakan-on? Ug ang mga nag-alagad diha sa halaran mokuha usab sa ilang bahin sa mga gihalad diha sa halaran.