Levitico 7:21 - Ang Pulong sa Dios

²¹ Kon adunay makahikap sa butang nga giisip nga hugaw sama sa mahugaw nga butang sa tawo, o mahugaw nga mananap, o bisan unsa nga giisip nga hugaw nga butang, ug unya mokaon siya sa karne niini nga halad nga alang sa Ginoo, kanang tawhana dili na ninyo isipon nga usa sa inyong katawhan.

Ang Biblia 2011

²¹ Kon si bisan kinsa nga makahikap ug hugaw nga butang, kahugaw man sa tawo o mananap nga hugaw o bisan unsa nga dulumtanan nga hugaw, unya mokaon siya ug unod sa inihaw nga halad sa pakigdait alang sa Ginoo, ang maong tawo ipahimulag gikan sa iyang katawhan.”

Maayong Balita Biblia

²¹ Kon may makahikap ug butang nga hugaw—hugaw sa tawo o sa mananap o bisan unsang matang sa kahugawan—ug unya mokaon sa karne sa mga halad sa pakigdait nga iya sa Ginoo, kanang tawhana hinginlan gikan sa iyang mga kadugo.”

Ang Bag-ong Maayong Balita Biblia

²¹ Kon may makahikap ug butang nga hugaw—hugaw sa tawo o sa mananap o bisan unsang matang sa kahugawan—ug unya mokaon sa karne sa mga halad sa pakigdait nga iya sa Ginoo, kanang tawhana hinginlan gikan sa iyang mga kadugo.”

Levitico 7:21 Cross References

Genesis 17:14

Si bisan kinsa nga wala matuli kinahanglan nga dili na ninyo isipon nga usa sa inyong katawhan, tungod kay gipakawalay-bili niya ang akong kasabotan.”

Exodo 12:15

Sulod sa pito ka adlaw kinahanglan pan nga walay patubo ang inyong kan-on. Sa una gayod nga adlaw, kuhaa ninyo ang tanang patubo diha sa inyong mga balay, kay si bisan kinsa nga mokaon ug pan nga adunay patubo gikan sa unang adlaw hangtod sa ikapitong adlaw, dili isipon nga sakop sa Israel.

Exodo 12:19

Sulod sa pito ka adlaw, kinahanglan walay patubo nga makita diha sa inyong mga balay. Si bisan kinsa nga mokaon ug pan nga adunay patubo, Israelinhon man o langyaw, dili isipon nga sakop sa katilingban sa Israel.

Ezequiel 33:25

Karon, ingna sila nga ako, ang Ginoong Dios, nag-ingon, ‘Naghuna-huna ba kamo nga mapanag-iya gihapon ninyo ang maong yuta bisan nagkaon kamo sa karne nga dugoon pa, ug nagsimba sa inyong mga dios-dios, ug gapatay ug tawo?

Ezequiel 4:14

Apan miingon ako, “O Ginoong Dios, wala ko gayod hugawi ang akong kaugalingon sukad sa bata pa ako hangtod karon. Wala gayod ako sukad makakaon ug mananap nga namatay lang sa iyang kaugalingon o gipatay sa uban nga mananap. Wala usab ako sukad makakaon ug mananap nga giisip nga hugaw.”

Levitico 11:20

“ ‘Mahimo ninyong kaonon ang mga insekto nga naglupad ug nagkamang nga adunay mga tiil nga panglukso, sama sa mga dulon, timos, ug apan-apan. Apan dili gayod ninyo kaonon ang uban pang mga insekto nga naglupad ug nagkamang. Isipa ninyo nga mangil-ad kini nga mga insekto.

Levitico 12:1

Miingon ang Ginoo kang Moises,

Levitico 17:10

Kapungtan sa Ginoo ang si bisan kinsa nga mokaon ug dugo, Israelinhon man o langyaw ug dili ko na siya isipon nga kabahin sa inyong katilingban.

Levitico 17:14

tungod kay ang kinabuhi sa matag binuhat anaa sa iyang dugo. Mao kana nga gisultihan kamo sa Ginoo nga dili kamo mokaon ug dugo sa bisan unsa nga binuhat. Ug si bisan kinsa nga mokaon, ayaw na ninyo siya isipa nga inyong sakop.

Levitico 18:29

“ ‘Si bisan kinsa nga mohimo niining mangil-ad nga mga butang dili na ninyo isipon nga inyong sakop.

Levitico 19:8

Si bisan kinsa nga mokaon niini adunay tulubagon tungod kay gipakawalay-bili niya ang butang nga alang kanako; busa kanang tawhana ayaw na ninyo isipa nga inyong sakop.

Levitico 20:3

Kapungtan ko kanang tawhana ug ayaw na ninyo siya isipa nga inyong sakop. Kay sa iyang paghalad sa iyang anak ngadto kang Molec, gihugawan niya ang akong balaang puloy-anan ug gipasipalahan niya ang akong balaan nga ngalan.

Levitico 22:3

“Sultihi sila, ‘Kon aduna kaninyo karon o sa inyong mga kaliwat sa umaabot nga mga henerasyon nga giisip nga hugaw nga mohikap sa halad nga alang kanako, dili na gayod siya makaalagad isip pari. Ako mao ang Ginoo.

Levitico 22:4

“ ‘Walay bisan kinsa kaninyo nga makakaon sa halad kon aduna siyay ngilngig nga sakit sa panit, o adunay nanggawas sa iyang kinatawo tungod sa sakit, o nakahikap sa mga butang nga nahimong hugaw tungod kay nasaghid kini sa patay, o gigawasan ug semilya, o nakahikap sa mananap nga giisip nga hugaw o sa tawong giisip nga hugaw. Makakaon lang siya sa mga halad kon makaligo na siya, apan mohulat una siya hangtod hapon sa pagsalop sa adlaw ayha siya makakaon sa mga halad nga mao ang iyang kalan-on isip pari.

Levitico 23:29

Ang dili magpuasa nianang adlawa dili na ninyo isipon nga inyong sakop.

Levitico 7:20

Apan si bisan kinsa nga giisip nga hugaw nga mokaon niini nga karne nga alang sa Ginoo, kanang tawhana dili na ninyo isipon nga usa sa inyong katawhan.

Levitico 7:22

Miingon ang Ginoo kang Moises,

Levitico 7:25

Si bisan kinsa nga mokaon sa tambok nga mahimong ihalad ngadto sa Ginoo, dili na ninyo isipon nga inyong sakop.

Levitico 7:27

Si bisan kinsa nga mokaon ug dugo, dili na ninyo isipon nga inyong sakop.’ ”

Numeros 19:22

Ang bisan unsa nga mahikapan sa tawong hugaw mahimong hugaw, ug ang si bisan kinsa nga makahikap niini mahimong hugaw usab hangtod sa pagsalop sa adlaw.”

Deuteronomio 14:10

Apan dili gayod ninyo kaonon ang walay silik ug himbis. Isipon ninyo kini nga hugaw.

Deuteronomio 14:3

“Ayaw kamo ug kaon sa bisan unsa nga mananap nga giisip nga hugaw.

1 Samuel 20:26

Walay gisulti si Saulo mahitungod kang David niadtong adlawa kay naghuna-huna siya nga tingalig adunay nahimo si David nga nakapahugaw kaniya, busa dili siya takos sa pag-apil sa pista.