Levitico 27:3 - Ang Pulong sa Dios

³ mao kini ang sukdanan sa bili nga gamiton. Ang usa ka lalaki nga nagpanuigon ug 20 ka tuig hangtod 60 ka tuig, 50 kabuok nga salapi.

Ang Biblia 2011

³ ang bili nga imong ihatag sa mga lalaki nga nagpanuigon ug 20 ngadto sa 60 ka tuig, kinahanglan 50 ka siklo nga plata sumala sa siklo sa balaang dapit.

Maayong Balita Biblia

³ ang bili sa lalaki nga nagpanuigon gikan sa 20 ngadto sa 60 ka tuig, 570 ka gramos nga plata sumala sa opisyal nga sukdanan nga gigamit sa Dapit nga Balaan;

Ang Bag-ong Maayong Balita Biblia

³ ang bili sa lalaki nga nagpanuigon gikan sa 20 ngadto sa 60 ka tuig, 570 ka gramos nga plata sumala sa opisyal nga sukdanan nga gigamit sa Dapit nga Balaan;

Levitico 27:3 Cross References

2 Mga Hari 12:4

Miingon si Joas sa mga pari, “Tigoma ninyo ang tanang kuwarta nga gihalad diha sa Templo sa Ginoo: ang kuwarta nga nakolekta sa pag-ihap, ang kuwarta nga bayad sa panaad, ug ang kuwarta nga halad nga kinabubut-on.

Exodo 30:13

Ang ibayad sa matag-usa nga maapil sa pag-ihap unom ka gramo nga pilak basi sa kilohan sa salapi nga ginagamit sa mga pari. Ihatag nila kini ingon nga halad kanako.

Exodo 38:24

Ang gibug-aton sa tanang bulawan nga gihalad aron gamiton sa pagtrabaho sa Tolda nga Simbahanan 1,000 ka kilo basi sa timbangan nga ginagamit sa mga pari.

Levitico 27:14

“ ‘Kon gihalad sa tawo ang iyang balay ngadto sa Ginoo, susihon sa pari ang maong balay kon maayo pa ba kini o dili, ug unya presyohan niya kini ug presyo nga dili na mausab pa.

Levitico 27:25

Ang tanang presyo niining mga gihalad ngadto sa Ginoo kinahanglan nga basi sa gibug-aton sa pilak diha sa kilohan nga ginagamit sa mga pari.

Levitico 27:4

Ang babaye sa samang pangidaron, 30 kabuok salapi.

Levitico 5:15

Kon ang usa ka tawo makalapas sa sugo sa Ginoo tungod kay wala niya mahatag ang butang nga alang unta sa Ginoo, bisan wala niya tuyoa, kinahanglan nga maghalad siya ug laking karnero nga walay depekto isip bayad sa iyang sala. O bayran niya ug salapi ang kantidad sa karnero basi sa gibug-aton sa pilak diha sa kilohan nga ginagamit sa mga pari. Kini nga karnero halad isip bayad sa sala.

Levitico 6:6

Magdala siya ngadto sa pari ug usa ka laking karnero nga walay depekto, ug ihalad niya kini sa Ginoo isip bayad sa iyang sala. O bayran niya ug salapi ang kantidad sa karnero basi sa gibug-aton sa pilak diha sa kilohan nga ginagamit sa mga pari.

Numeros 18:16

Lukata ninyo kini pag-edad niini ug usa ka bulan sa kantidad nga lima kabuok nga pilak, basi sa gibug-aton sa pilak diha sa kilohan nga ginagamit sa mga pari.

Numeros 3:47

Kolektahi ang kada usa kanila ug lima nga pilak basi sa gibug-aton sa pilak diha sa kilohan nga ginagamit sa mga pari.