Levitico 24:5 - Ang Pulong sa Dios

⁵ “Paghimo kamo ug 12 kabuok pan, nga ang matag-usa hinimo sa upat ka kilo nga maayong klasi sa harina.

Ang Biblia 2011

⁵ “Pagkuha ug pinong harina ug pagluto niini ug napulog duha ka torta, tagduha ka ikanapulo nga bahin sa usa ka epha nga harina ang matag torta.

Maayong Balita Biblia

⁵ “Unya pagkuha ug 12 ka gantang sa labing maayong harina ug pagluto ug 12 ka buok pan gikan niini.

Ang Bag-ong Maayong Balita Biblia

⁵ “Unya pagkuha ug 12 ka gantang sa labing maayong harina ug pagluto ug 12 ka buok pan gikan niini.

Levitico 24:5 Cross References

1 Mga Hari 18:31

Nagkuha siya ug 12 ka bato nga nagrepresentar sa 12 ka tribo sa mga anak ni Jacob, ang tawo nga ginganlan sa Ginoo ug Israel.

1 Cronicas 23:29

Sila usab ang gitugyanan sa sagrado nga pan nga ginabutang sa lamisa, sa harina alang sa mga halad isip pagpasidungog sa Ginoo, sa pan nga walay patubo, ug sa uban pang iluto ug isagol. Sila usab ang gitugyanan sa pagtimbang ug pagtakos.

1 Cronicas 9:32

Ug pipila sa mga kaliwat ni Kohat mao ang gitugyanan sa pag-andam sa pan nga ibutang sa lamisa matag Adlaw nga Igpapahulay.

2 Cronicas 13:11

Buntag ug gabii gahalad sila sa Ginoo ug mga halad nga sinunog ug humot nga insenso. Ipahimutang nila ang pan diha sa sagradong lamisa. Ug kada gabii dagkotan nila ang mga suga nga anaa sa bulawan nga mga tungtonganan. Gatuman kami sa mga sugo sa Ginoo nga among Dios. Apan kamo, inyo siyang gisalikway.

Nehemias 10:33

Gastohon kini alang sa pan nga ihalad sa presensya sa Dios, sa mga halad nga sinunog, ug mga halad isip pagpasidungog sa Ginoo nga gihalad adlaw-adlaw, sa mga halad alang sa Adlaw nga Igpapahulay, alang sa Pista sa Pagsugod sa Bulan, ug sa uban pang mga pista. Alang usab kini sa uban pang mga halad nga gigahin sama sa halad sa paghinlo nga gihalad aron matubos ang katawhan sa Israel sa ilang mga sala. Gamiton usab kini alang sa uban pang mga kinahanglanon sa buluhaton sa balay sa among Dios.

Nehemias 10:34

“Kaming mga katawhan, apil ang among mga pari ug ang mga Levita, naghulbot-hulbot aron mahibaloan namo kon kanus-a magdalag sugnod ang matag pamilya matag tuig alang sa mga halad sa halaran sa Ginoo nga among Dios, sumala sa nasulat sa Kasugoan.

Exodo 25:30

Ug kini nga lamisa kinahanglang butangan kanunay ug pan nga ginahalad sa akong presensya.

Exodo 39:36

ang lamisa ug ang tanang kagamitan niini, ang pan nga ginahalad sa presensya sa Ginoo,

Exodo 40:23

Unya gibutang niya sa lamisa ang pan nga ginahalad sa presensya sa Ginoo. Gihimo niya kining tanan sumala sa gisugo kaniya sa Ginoo.

Exodo 40:4

Isulod usab ang lamisa ug iplastar ang mga kagamitan niini. Isulod usab ang butanganan sa suga ug ipahimutang ang mga suga niini.

Numeros 4:7

“Tabonan usab nilag panapton nga asul ang lamisa nga butanganan sa pan nga ginahalad sa presensya sa Dios, ug ibutang nila didto ang mga plato, mga sudlanan sa insenso, mga yahong, mga tibod nga sudlanan sa mga halad nga ilimnon, ug ang pan nga anaa kanunay sa lamisa.

Mateo 12:4

Misulod siya sa balay sa Dios ug gisupak niya ug sa iyang mga kauban ang Kasugoan pinaagi sa pagkaon sa pan nga gihalad ngadto sa Dios kay mga pari lang ang mahimong mokaon niadto.

Mga Buhat 26:7

Ang among dose ka tribo nagpaabot nga kini mahitabo gayod. Busa adlaw ug gabii ginasimba namo ang Dios. Ug Haring Agripa, tungod sa akong pagtuo niining mga butanga, gisumbong ako sa mga Judio.

Mga Hebreo 9:2

Kadtong Tolda nga Pagsimbahan nga ilang gipatindog adunay duha ka kuwarto. Ang una nga kuwarto gitawag nga Balaang Dapit. Didto nahimutang ang suga, ang lamisa, ug ang mga pan nga halad ngadto sa Dios.

Santiago 1:1

Ako si Santiago nga alagad sa Dios ug ni Ginoong Jesu-Cristo. Nangumusta ako kaninyong tanan nga katawhan sa Dios nga nagkatibulaag sa tibuok kalibotan.

1 Samuel 21:6

Busa tungod kay walay ordinaryo nga pan, gihatag sa pari kaniya ang pan nga hinalad diha atubangan sa Ginoo. Gikuha kini gikan sa balaan nga lamisa ug giilisdan dayon ug bag-ong pan nianang adlawa.

1 Samuel 21:7

Naatol nga niadtong adlawa didto ang sulugoon ni Saulo nga si Doeg nga taga-Edom. Siya ang pangulo sa mga magbalantay sa mananap ni Saulo. Tua siya didto kay aduna siyay panaad sa Ginoo.