Levitico 2:16 - Ang Pulong sa Dios

¹⁶ Sunogon sa pari ang ubang ginaling nga mga trigo nga adunay mantika ug ang tanang insenso nga gibutang niini aron sa paghinumdom sa Ginoo. Halad kini pinaagi sa kalayo alang sa Ginoo.’ ”

Ang Biblia 2011

¹⁶ Ug ang pari magsunog ug bahin sa mga lugas nga gidugmok ug bahin sa lana niini ingon nga handomanan niini, uban ang tanan nga insenso niini. Kini usa ka halad pinaagi sa kalayo alang sa Ginoo.

Maayong Balita Biblia

¹⁶ Unya magsunog ang pari ug diyutay nga bahin sa bugas ug sa lana lakip ang insenso nga maoy silbing magpadayag nga kini halad nga pagkaon alang sa Ginoo.

Ang Bag-ong Maayong Balita Biblia

¹⁶ Unya magsunog ang pari ug diyutay nga bahin sa bugas ug sa lana lakip ang insenso nga maoy silbing magpadayag nga kini halad nga pagkaon alang sa Ginoo.

Levitico 2:16 Cross References

Salmo 141:2

Dawata ang akong pag-ampo ingon nga insenso ug ang pagbayaw sa akong mga kamot sa pag-ampo ingon nga halad sa kagabhion.

Isaias 61:1

Ang Espiritu sa Ginoong Dios ania kanako. Kay gipili niya ako nga mowali sa maayong balita ngadto sa mga kabos. Gipadala niya ako aron sa paglipay sa mga nagmasulob-on ug sa pagmantala ngadto sa mga binihag nga aduna na silay kagawasan.

Levitico 1:9

Apan hugasan sa maghahalad ang mga sulod sa ginhawaan ug ang mga tiil sa mananap. Pagkahuman, ang pari mao na ang mosunog niining tanan diha sa halaran ingon nga halad nga sinunog. Ang kahumot niining halad pinaagi sa kalayo makapalipay sa Ginoo.

Levitico 2:12

Mahimo ninyong ihalad ang patubo o dugos isip halad gikan sa inyong unang abot, apan dili kini angay sunogon diha sa halaran.

Levitico 2:14

“ ‘Kon maghalad kamo sa inyong unang abot ingon nga halad sa pagpasidungog sa Ginoo, paghalad kamog ginaling o sinanlag nga mga trigo.

Levitico 2:15

Butangan ninyo kini ug mantika ug insenso. Halad kini sa pagpasidungog.

Levitico 2:9

Kuhaan kini sa pari, ug ang iyang gikuha sunogon niya diha sa halaran isip paghinumdom sa Ginoo. Ang kahumot niini nga halad pinaagi sa kalayo makapalipay sa Ginoo.

Mga Hebreo 5:7

Sa dihang dinhi pa si Jesus sa kalibotan, nag-ampo siya ug naghilak gayod nga nagpakiluoy sa Dios nga makaluwas kaniya gikan sa kamatayon. Ug tungod kay siya mapainubsanon ug matinumanon, gitubag sa Dios ang iyang pag-ampo.