Juan 9:18 - Ang Pulong sa Dios

¹⁸ Apan dili motuo ang kadagkoan sa mga Judio nga buta siya kaniadto ug karon makakita na. Busa gipatawag nila ang iyang mga ginikanan,

Ang Biblia 2011

¹⁸ Ang mga Judio wala motuo nga siya miagi pagkabuta ug nga makakita na hangtod nga natawag nila ang mga ginikanan sa tawo nga makakita na;

Maayong Balita Biblia

¹⁸ Apan ang kadagkoan sa mga Judio wala motuo nga siya buta kaniadto hangtod nga gipatawag nila ang mga ginikanan sa tawo

Ang Bag-ong Maayong Balita Biblia

¹⁸ Apan ang kadagkoan sa mga Judio wala motuo nga siya buta kaniadto hangtod nga gipatawag nila ang mga ginikanan sa tawo

Juan 9:18 Cross References

Genesis 19:14

Unya giadtoan ni Lot ang iyang mga umagaron nga lalaki ug giingnan, “Pagdali, biya kamo dinhi kay laglagon sa Ginoo kining lungsora.” Apan wala sila motuo kay abi nila ug nagtiaw-tiaw lang si Lot.

Isaias 26:11

Ginoo, andam ka na nga mosilot kanila, apan wala sila masayod niini. Pahibaloa sila, Ginoo! Pakaulawi sila pinaagi sa pagpakita kanila kon unsa ang imong paghigugma sa imong katawhan. Sila nga imong mga kaaway ipalamoy sa imong kalayo.

Isaias 53:1

Kinsa ang makatuo sa among mensahe? Kang kinsa gipadayag sa Ginoo ang iyang gahom?

Lucas 16:31

“Apan miingon si Abraham, ‘Kon dili sila motuo sa mga sinulat ni Moises ug sa mga propeta, nan, dili usab sila motuo bisan pag adunay mabanhaw nga patay!’ ”

Juan 1:19

Kini ang mensahe ni Juan sa dihang gisugo sa mga kadagkoan sa mga Judio sa Jerusalem ang mga pari ug ang mga katabang nila sa templo nga adtoon si Juan ug pangutan-on kon kinsa gayod siya.

Juan 5:44

Unsaon man ninyo pagtuo kanako kon ang pagdayeg lang sa inyong isigka-tawo ang mahinungdanon kaninyo ug wala ninyo tinguhaa ang pagdayeg nga gikan sa matuod nga Dios?

Juan 9:19

ug gipangutana nila sila, “Inyo ba kining anak? Tinuod ba gayod nga natawo siya nga buta? Nganong makakita na man siya karon?”

Juan 9:22

Mao kadto ang gitubag sa iyang mga ginikanan tungod kay nahadlok sila sa kadagkoan sa mga Judio. Kay kini sila nagkasabot na nga si bisan kinsa nga moila kang Jesus nga mao ang Mesiyas dili na nila pasudlon sa ilang sinagoga.

Mga Hebreo 4:11

Busa tinguhaon gayod nato nga ang kapahulayan atong madawat. Dili gayod kita mosundog sa mga tawo kaniadto nga wala magsunod sa Dios, kay basin kon dili usab kita makadawat ug kapahulayan sama kanila.