Juan 8:16 - Ang Pulong sa Dios

¹⁶ Ug kon maghukom man ako, ang akong hukom husto, tungod kay dili lang ako ang maghukom kondili ako ug ang Amahan nga nagpadala kanako.

Ang Biblia 2011

¹⁶ Apan kon ako maghukom, ang akong hukom tinuod kay dili man ako rang usa, kondili ako ug ang Amahan nga mao ang nagpadala kanako.

Maayong Balita Biblia

¹⁶ Apan kon maghukom ako, husto gayod ang akong hukom kay dili man ako rang usa ang maghukom kondili ako ug ang akong Amahan nga nagpadala kanako.

Ang Bag-ong Maayong Balita Biblia

¹⁶ Apan kon maghukom ako, husto gayod ang akong hukom kay dili man ako rang usa ang maghukom kondili ako ug ang akong Amahan nga nagpadala kanako.

Juan 8:16 Cross References

Salmo 98:9

Maglipay sila sa presensya sa Ginoo kay moanhi siya sa paghukom sa mga tawo sa kalibotan. Hukman niya sila uban sa katarong ug kaangayan.

Salmo 99:4

Gamhanan siya nga Hari, ug nahigugma siya sa katarong. Wala siyay pinalabi sa iyang paghukom, ug gihimo niya ang matarong ug husto sa Israel.

Isaias 9:7

Walay kataposan ang kauswagan ug kalinaw diha sa iyang pagdumala. Maghari siya isip manununod sa gingharian ni David. Palig-onon niya kini ug patunhayon ang hustisya ug katarong sa walay kataposan. Sigurohon gayod sa Ginoo nga Makagagahom nga matuman kini.

Zacarias 9:9

Miingon ang  Ginoo, “Panghugyaw gayod kamo sa kalipay, kamong mga lumulupyo sa Zion, kay ang inyong hari moabot. Matarong siya ug madaogon. Mapainubsanon siya ug moabot nga nagsakay sa nating asno.

Juan 16:32

Apan moabot ang panahon ug karon gani miabot na nga kamo magkatibulaag ug mamauli, ug biyaan ninyo ako nga mag-inusara. Apan bisan biyaan ninyo ako aduna gihapon akoy kauban, tungod kay kauban ko ang Amahan.

Juan 8:29

Ang nagpadala kanako nag-uban kanako ug wala gayod niya ako pasagdi, tungod kay kon unsay makalipay kaniya mao usab ang akong gibuhat kanunay.”

Mga Buhat 17:31

Kay aduna nay adlaw nga gipili ang Dios nga hukman niya sa matarong nga paghukom ang tanang mga tawo dinhi sa kalibotan pinaagi sa tawo nga iyang gipili. Gipamatud-an niya kini sa tanan pinaagi sa pagbanhaw niya niining tawhana gikan sa kamatayon.”

Gipadayag 19:11

Unya nakita ko nga naabli ang langit, ug didto adunay puti nga kabayo. Ang nagsakay sa kabayo gitawag ug Kasaligan ug Tinuod. Matarong ang iyang paghukom ug pagpakig-gira.

1 Samuel 16:7

Apan miingon ang Ginoo kang Samuel, “Ayaw basihi ang iyang hitsura o ang iyang gitas-on. Dili siya ang akong gipili. Dili ako sama sa tawo. Ang tawo nagtan-aw sa hitsura, apan ako nagtan-aw sa kasing-kasing.”