Juan 7:6 - Ang Pulong sa Dios

⁶ Miingon si Jesus kanila, “Mahimo ninyong buhaton ang inyong gusto sa bisan unsa nga panahon, apan alang kanako, dili pa kini ang husto nga higayon nga buhaton ko ang angay kong buhaton.

Ang Biblia 2011

⁶ Ug si Jesus miingon kanila, “Wala pa moabot ang akong panahon, apan ang inyong panahon anaa kanunay.

Maayong Balita Biblia

⁶ Si Jesus miingon kanila, “Ang tanang panahon husto alang kaninyo apan ang hustong panahon wala pa moabot alang kanako.

Ang Bag-ong Maayong Balita Biblia

⁶ Si Jesus miingon kanila, “Ang tanang panahon husto alang kaninyo apan ang hustong panahon wala pa moabot alang kanako.

Juan 7:6 Cross References

Salmo 102:13

Kaloy-an mo na ang Zion, tungod kay miabot na ang gitagal nga panahon nga ipakita mo ang imong kaayo kaniya.

Mateo 26:18

Mitubag si Jesus kanila, “Adto kamo sa Jerusalem, didto sa tawo nga akong isulti kaninyo, ug ingna ninyo siya, ‘Ang magtutudlo nag-ingon nga miabot na ang panahon nga siya patyon. Magsaulog siya dinhi sa imong balay sa Pista sa Paglabay sa Anghel uban sa iyang mga tinun-an.’ ”

Juan 13:1

Sa wala pa moabot ang adlaw sa Pista sa Paglabay sa Anghel, nahibalo nang daan si Jesus nga miabot na ang higayon nga mogikan na siya niining kalibotan ug mobalik sa Amahan. Gimahal gayod niya ang iyang mga tinun-an dinhi sa kalibotan, ug hangtod sa kataposan gipakita niya ang iyang pagmahal kanila.

Juan 17:1

Human kadto isulti ni Jesus, mihangad siya sa langit ug miingon, “Amahan, miabot na ang panahon. Pasidunggi ang imong Anak aron pasidunggan ka usab sa imong Anak.

Juan 2:4

Mitubag si Jesus, “Ayaw ako sultihi kon unsa ang angay kong buhaton. Wala pa moabot ang akong panahon.”

Juan 7:30

Tungod niining gisulti ni Jesus, dakpon na unta siya sa mga kadagkoan sa mga Judio. Apan walay midakop kaniya, kay wala pa man moabot ang iyang panahon.

Juan 7:8

Kamo na lang tambong sa kasaulogan. Dili ako motambong kay dili pa kini ang akong tukma nga panahon.”

Juan 8:20

Kining tanan gisulti ni Jesus sa dihang nagtudlo siya sa templo, duol sa gibutangan sa kuwarta. Apan walay midakop kaniya, kay wala pa man moabot ang iyang panahon.

Mga Buhat 1:7

Mitubag si Jesus, “Wala itugot sa Amahan nga mahibaloan ninyo kon kanus-a mahitabo ang mga butang nga iyang gitakda.