Juan 7:45 - Ang Pulong sa Dios

⁴⁵ Unya, namalik ang mga tigbalantay sa templo ngadto sa mga kadagkoan sa mga pari ug mga Pariseo nga nagsugo kanila sa pagdakop kang Jesus. Pag-abot sa mga tigbalantay, miingon dayon ang nagsugo kanila, “Nganong wala ninyo siya dakpa ug dad-a dinhi?”

Ang Biblia 2011

⁴⁵ Unya ang mga modakop unta kang Jesus namalik ngadto sa mga pangulong pari ug sa mga Pariseo. Ug sila nangutana kanila, “Nganong wala man ninyo siya dad-a dinhi?”

Maayong Balita Biblia

⁴⁵ Ang mga guwardiya namalik ngadto sa kadagkoan sa mga pari ug sa mga Pariseo. Gipangutana nila ang mga guwardiya, “Nganong wala man ninyo siya dad-a nganhi?”

Ang Bag-ong Maayong Balita Biblia

⁴⁵ Ang mga guwardiya namalik ngadto sa kadagkoan sa mga pari ug sa mga Pariseo. Gipangutana nila ang mga guwardiya, “Nganong wala man ninyo siya dad-a nganhi?”

Juan 7:45 Cross References

Mateo 26:58

Misunod usab si Pedro, apan layo ra siya kang Jesus. Misulod siya sa tugkaran sa balay sa pangulong pari ug milingkod didto uban sa mga tigbantay aron makita niya kon unsa ang mahitabo kang Jesus.

Juan 11:46

Apan ang uban kanila miadto sa mga Pariseo ug misugilon sa gibuhat ni Jesus.

Juan 11:47

Busa gitawag sa mga Pariseo ug sa mga kadagkoan sa mga pari ang tanan nga miyembro sa Korte sa mga Judio. Ug sa dihang nagtigom na sila, nag-ingon sila, “Unsa man ang atong buhaton? Daghang mga milagro ang gibuhat niini nga tawo.

Juan 7:32

Nakadungog ang mga Pariseo sa hinunghongay sa mga tawo mahitungod kang Jesus, busa sila ug ang kadagkoan sa mga pari misugo sa mga tigbalantay sa templo nga dakpon si Jesus.

Juan 9:22

Mao kadto ang gitubag sa iyang mga ginikanan tungod kay nahadlok sila sa kadagkoan sa mga Judio. Kay kini sila nagkasabot na nga si bisan kinsa nga moila kang Jesus nga mao ang Mesiyas dili na nila pasudlon sa ilang sinagoga.