Juan 5:5 - Ang Pulong sa Dios

⁵ Adunay usa ka tawo didto nga 38 na ka tuig nga nagsakit.

Ang Biblia 2011

⁵ Ug didtoy usa ka tawo nga nasakit sulod na sa 38 ka tuig.

Maayong Balita Biblia

⁵ Ug didtoy tawo nga nasakit sulod na sa 38 ka tuig.

Ang Bag-ong Maayong Balita Biblia

⁵ Ug didtoy tawo nga nasakit sulod na sa 38 ka tuig.

Juan 5:5 Cross References

Marcos 9:21

Gipangutana ni Jesus ang amahan sa bata, “Kanus-a pa ba siya naingon niini?” Mitubag ang amahan, “Sukad sa gamay pa siya.

Lucas 13:16

Kon himuon ninyo kana sa hayop, nganong dili ko man himuon ang maayo alang niining babaye nga usa usab sa mga kaliwat ni Abraham? Gigapos siya ni Satanas sulod sa 18 ka tuig, busa kinahanglan nga makalingkawas siya sa gahom ni Satanas bisan pa kon Adlaw nga Igpapahulay.”

Lucas 8:43

Adunay babaye didto nga nagdugo-dugo sulod na sa dose ka tuig apan wala gayoy nakaayo kaniya.

Juan 5:14

Didto sa templo nakita pag-usab ni Jesus ang tawo nga iyang giayo ug miingon si Jesus kaniya, “O, maayo ka na karon. Ayaw na pagpakasala, kay basin ug mas daotan pa unya ang mahitabo kanimo.”

Juan 5:4

Naghulat sila nga molihok ang tubig. Kay adunay mga higayon nga adunay anghel sa Dios nga mokanaog didto aron tandogon ang tubig. Ang makauna ug tuslob sa tubig human kini matandog sa anghel mamaayo bisan unsa pa ang iyang sakit.]

Juan 5:6

Nakita siya ni Jesus nga naghigda didto, ug nahibalo si Jesus nga ang iyang sakit ingon na niadto kadugay. Busa miingon si Jesus kaniya, “Gusto mo ba nga mamaayo?”

Juan 9:1

Samtang naglakaw sila si Jesus, aduna silay nakita nga tawo nga buta sukad pa sa iyang pagkatawo.

Juan 9:21

Apan kon ngano nga makakita na siya ug kon kinsa ang nag-ayo kaniya, kana ang wala namo mahibaloi. Pangutan-a ninyo siya kay but-an na man siya ug makatubag alang sa iyang kaugalingon.”

Mga Buhat 14:8

Sa Listra adunay usa ka tawong bakol sukad pa sa iyang pagkabata.

Mga Buhat 3:2

Sa pultahan sa templo adunay tawo nga bakol sukad pa sa iyang pagkatawo. Kada adlaw ginadala siya didto sa pultahan nga gitawag “Matahom,” aron magpakilimos sa mga tawong mosulod sa templo.

Mga Buhat 4:22

Kay ang tawo nga giayo pinaagi sa milagro nag-edad ug sobra na sa 40 ka tuig.

Mga Buhat 9:33

Didto nakita ni Pedro ang tawo nga ginganlag Eneas. Paralitiko siya ug wala gayod makabangon sa iyang higdaanan sulod sa walo ka tuig.