Juan 5:45 - Ang Pulong sa Dios

⁴⁵ “Ayaw ninyo huna-hunaa nga ako ang mosumbong kaninyo sa Amahan. Si Moises ang inyong gilaoman mao ang mosumbong kaninyo.

Ang Biblia 2011

⁴⁵ Ayaw kamo paghunahuna nga ako magsudya kaninyo atubangan sa Amahan. Ang magsudya kaninyo mao si Moises, siya nga maoy inyong gilaoman.

Maayong Balita Biblia

⁴⁵ Apan ayaw ninyo hunahunaa nga isumbong ko kamo sa akong Amahan. Si Moises nga maoy inyong gilaoman nga motabang kaninyo mao hinuoy magsumbong kaninyo.

Ang Bag-ong Maayong Balita Biblia

⁴⁵ Apan ayaw ninyo hunahunaa nga isumbong ko kamo sa akong Amahan. Si Moises nga maoy inyong gilaoman nga motabang kaninyo mao hinuoy magsumbong kaninyo.

Juan 5:45 Cross References

Lucas 16:29

“Apan mitubag si Abraham, ‘Atua na man didto kanila ang mga sinulat ni Moises ug sa mga propeta. Kinahanglan patalinghogan nila kini.’

Juan 12:48

Adunay maghukom sa mga tawo nga nagsalikway kanako ug dili modawat sa akong mga gipanudlo; ang mga pulong nga akong gipanudlo mao ang maghukom kanila sa kataposang adlaw!

Juan 7:19

Dili ba gihatag man ni Moises kaninyo ang Kasugoan? Apan wala gayoy bisan usa kaninyo nga nagtuman niini, tungod kay kon nagtuman pa kamo, nganong gusto man ninyo akong patyon?”

Juan 8:9

Sa pagkadungog niadto sa mga magtutudlo sa Kasugoan ug sa mga Pariseo, tagsa-tagsa silang mibiya sugod sa mga tigulang, hangtod nga si Jesus na lang ang nahibilin ug ang babaye nga nagtindog pa didto.

Roma 2:12

Ang mga tawo nga nagbuhat ug sala malaglag, bisan wala sila masayod mahitungod sa Kasugoan ni Moises. Ang mga tawo nga nakahibalo sa Kasugoan ni Moises apan nagpadayon sa pagbuhat ug sala, hukman usab sa Dios, apan ang Kasugoan gayod ang iyang basihan sa paghukom kanila.

Mga Taga-Galacia 3:10

Apan ang mga tawo nga nagsalig sa ilang pagtuman sa Kasugoan tinunglo na sa Dios. Kay sumala sa Kasulatan tinunglo ang wala nagtuman sa tanan nga gipatuman sa Kasugoan.