Juan 5:3 - Ang Pulong sa Dios

³ diin nanghigda ang daghang mga masakiton: mga buta, mga bakol, ug mga paralitiko. [

Ang Biblia 2011

³ Dinhi niini nanghigda ang dakong panon sa mga masakiton, lakip ang mga buta, mga bakol ug mga paralitiko.

Maayong Balita Biblia

³ diin may daghang mga masakiton nga naghigda—mga buta, mga bakol, mga paralitiko.

Ang Bag-ong Maayong Balita Biblia

³ diin may daghang mga masakiton nga naghigda—mga buta, mga bakol, mga paralitiko.

Juan 5:3 Cross References

1 Mga Hari 13:4

Pagkadungog niadto ni Haring Jeroboam, gitudlo niya ang tawo ug miingon, “Dakpa ninyo siya!” Apan kalit lang nga migahi ang kamot sa hari, ug wala na niya kini malihok.

Mga Panultihon 8:34

Bulahan ang tawo nga kanunayng nangandam ug naghulat sa pagpamati kanako.

Mga Pagbangotan 3:26

Maayo nga maghulat kita nga mapailubon sa kaluwasan nga ihatag sa Ginoo kanato.

Zacarias 11:17

“Alaot kanang walay pulos nga magbalantay sa karnero nga mibiya sa akong mga karnero! Tigbason ug espada ang iyang kamot ug tuslokon ang iyang tuong mata. Dili na gayod mapuslan ang iyang kamot ug dili na makakita ang iyang tuong mata.”

Mateo 15:30

Daghang mga tawo ang miduol kaniya. Gidala nila ang mga bakol, ang mga piang, ang mga buta, ang mga amang ug daghan pa nga mga masakiton. Gipahimutang sila sa tiilan ni Jesus ug giayo niya silang tanan.

Mateo 4:24

Nabantog siya hangtud sa tibuok Siria, busa gidala sa mga tawo ang tanang mga masakiton ngadto kaniya: bisan ang mga nag-antos sa hilabihan nga kasakit, ang mga gigamhan sa daotang espiritu, ang mga patulon, ug ang mga paralitiko. Giayo silang tanan ni Jesus.

Lucas 7:22

Gitubag ni Jesus ang mga tinun-an ni Juan, “Balik kamo kang Juan ug sultihi ninyo siya sa inyong nakita ug sa inyong nadungog. Sultihi siya nga ang mga buta nakakita na, ang mga bakol nakalakaw na, ang mga adunay ngilngig nga sakit sa panit nangaayo ug nahimo na nga hinlo, ang mga bungol nakadungog na, ang mga patay nangabanhaw, ug ang Maayong Balita giwali ngadto sa mga kabos.

Juan 5:2

Didto sa Jerusalem sa gitawag nga Agianan sa mga Karnero. Duol niini adunay linaw nga kaligoanan nga sa Hebreo nga pinulongan gitawag ug Betesda. Sa palibot niini adunay lima ka silonganan

Juan 5:4

Naghulat sila nga molihok ang tubig. Kay adunay mga higayon nga adunay anghel sa Dios nga mokanaog didto aron tandogon ang tubig. Ang makauna ug tuslob sa tubig human kini matandog sa anghel mamaayo bisan unsa pa ang iyang sakit.]

Roma 8:25

Apan kon naglaom kita sa mga butang nga wala pa kanato, naghulat kita nga mapailubon.

Santiago 5:7

Mga igsoon, pagmapailubon kamo hangtod sa pag-abot sa Ginoo. Tan-awa ninyo ang mga mag-uuma, mapailubon sila nga naghulat sa unang ulan. Pagkahuman nila ug tanom, mapailubon gihapon sila sa paghulat sa mosunod nga ulan ug sa ilang abot.