Juan 3:26 - Ang Pulong sa Dios

²⁶ Nangadto sila kang Juan ug nag-ingon, “Magtutudlo, nahinumdoman mo ba kadtong tawo nga kauban mo kaniadto sa tabok sa Suba sa Jordan, nga imong gipaila sa mga tawo? Nangbautismo na siya karon ug halos ang tanang mga tawo nangadto na kaniya!”

Ang Biblia 2011

²⁶ Ug sila miadto kang Juan ug miingon kaniya, “Rabi, kadtong tawo nga uban kanimo didto sa tabok sa Jordan, nga imong gipamatud-an, ania karon, siya namautismo, ug ang tanang tawo nanugok ngadto kaniya.”

Maayong Balita Biblia

²⁶ Busa miadto sila kang Juan ug miingon, “Magtutudlo, nahinumdom ka ba sa tawo nga uban kanimo didto sa tabok sa Jordan nga imo ganing gihisgotan? Namunyag na siya karon ug nangadto kaniya ang tanan.”

Ang Bag-ong Maayong Balita Biblia

²⁶ Busa miadto sila kang Juan ug miingon, “Magtutudlo, nahinumdom ka ba sa tawo nga uban kanimo didto sa tabok sa Jordan nga imo ganing gihisgotan? Namunyag na siya karon ug nangadto kaniya ang tanan.”

Juan 3:26 Cross References

Salmo 65:2

Ang tanang mga tawo moduol kanimo kay ginatubag mo ang ilang mga pag-ampo.

Ecclesiastes 4:4

Nakita ko usab nga ang tawo gahago ug naningkamot gayod nga molampos kay nasina siya sa iyang isigka-tawo. Wala usab kini kapuslanan; sama ra nga naggukod siya sa hangin.

Isaias 45:23

Nanumpa ako sa akong kaugalingon, ug ang akong gipanulti dili na mausab: Moluhod ang tanan kanako ug manumpa sila nga mounong kanako.

Mateo 23:7

Sa mga dapit nga tigomanan sa mga tawo, gusto nila nga tahoron sila ug tawgon nga mga ‘Magtutudlo.’

Mateo 23:8

“Apan kamo dili angay magpatawag nga ‘Magtutudlo,’ kay managsoon kamo ug usa ra ang inyong magtutudlo.

Juan 1:15

Nagpamatuod si Juan mahitungod kaniya. Nag-ingon siya, “Siya mao ang akong giingon nga moabot sunod kanako. Apan labaw pa siya kay kanako, kay sa wala pa ako matawo, anaa na siyang daan.”

Juan 1:7

Gipadala siya aron sa pagpamatuod kon kinsa ang suga, aron pinaagi sa iyang pagsugilon makatuo ang tanang katawhan.

Juan 1:9

Ang tinuod nga suga nga naghatag ug kahayag sa tanang tawo mianhi dinhi sa kalibotan.

Juan 11:48

Kon pasagdan lang nato siya, ang tanan motuo na kaniya nga siya mao ang gipadala sa Dios nga mahimong hari sa Israel. Ug kon mahitabo kini, sulongon kita sa mga sundalo sa Roma ug gub-on nila ang atong templo ug ang atong tibuok nasod!”

Juan 12:19

Busa nagsultihanay ang mga Pariseo, “Tan-awa ninyo, ang tanang mga tawo nagsunod na kaniya. Wala na gayod kitay mahimo!”

Juan 3:2

Usa niana ka gabii miadto siya kang Jesus ug miingon kaniya, “Rabbi, nahibalo kami nga ikaw magtutudlo nga pinadala sa Dios, tungod kay walay makahimo sa mga milagro nga sama sa imong gihimo kon wala ang Dios kaniya.”

Juan 4:1

Karon, nakadungog ang mga Pariseo nga mas daghan na ang mga tinun-an ni Jesus kaysa kang Juan, ug mas daghan na ang iyang gipangbautismohan.

Juan 4:2

Bisan ang tinuod, dili si Jesus mismo ang nagbautismo, kondili ang iyang mga tinun-an.

Juan 4:31

Sa wala pa mangabot ang mga tawo didto kang Jesus, gipugos si Jesus sa iyang mga tinun-an nga mokaon na.

Juan 5:33

“Ang tinuod, nagpamatuod usab si Juan nga Tigbautismo mahitungod kanako. Gisulti niya kaninyo ang tinuod sa dihang nagsugo kamo ug pipila ka mga tawo aron sa pagpangutana kaniya.