Juan 3:23 - Ang Pulong sa Dios

²³ Nangbautismo pud si Juan didto sa Enon, duol sa Salim, kay daghan ang tubig didto, ug nangadto kaniya ang mga tawo aron magpabautismo.

Ang Biblia 2011

²³ Ug si Juan usab namautismo didto sa Aenon duol sa Salim kay daghan man ug tubig didto. Ug ang mga tawo nangadto ug gibautismohan sila.

Maayong Balita Biblia

²³ Namunyag usab si Juan didto sa Enon nga dili layo sa Salim kay daghan mag tubig didto. Nangadto kaniya ang mga tawo ug sila gipamunyagan niya. (

Ang Bag-ong Maayong Balita Biblia

²³ Namunyag usab si Juan didto sa Enon nga dili layo sa Salim kay daghan mag tubig didto. Nangadto kaniya ang mga tawo ug sila gipamunyagan niya. (

Juan 3:23 Cross References

Genesis 33:18

Gikan sa ilang pagbiya sa Padan Aram, nakaabot ra gayod sila si Jacob sa lungsod sa Sekem nga sakop sa Canaan, nga walay daotang nahitabo kanila. Gipahimutang nila ang ilang mga tolda duol sa lungsod.

Jeremias 51:13

Babilonia, abunda ka sa tubig ug daghan kag bahandi. Apan miabot na ang imong kataposan, ang panahon sa imong kalaglagan.

Ezequiel 19:10

“Ang imo nga inahan nahisama usab sa ubas nga gitanom sa daplin sa tubig. Daghan kinig sanga ug bunga tungod kay abunda man sa tubig.

Ezequiel 43:2

Ug didto nakita ko ang gamhanan nga presensya sa Dios sa Israel nga naggikan sa sidlakan. Ang tingog sa iyang pag-abot daw sama sa haganas sa makusog nga tubig, ug ang yuta nadan-agan sa iyang gamhanan nga presensya.

Lucas 3:7

Daghan ang mga tawo nga miadto kang Juan aron magpabautismo. Miingon si Juan kanila, “Kamong mga kaliwat sa mga bitin! Kinsa ang nag-ingon kaninyo nga makalingkawas kamo gikan sa silot sa Dios nga hapit na moabot?

Juan 3:22

Pagkahuman niadto, miadto si Jesus ug ang iyang mga tinun-an sa ubang bahin sa Judea. Nagpabilin siya didto uban kanila ug nagbautismo.

Juan 3:24

(Wala pa niadto mabilanggo si Juan.)

Gipadayag 1:15

Ang iyang mga tiil nagsidlak nga sama sa bronsi nga gitunaw sa kalayo ug gipasinaw. Ang iyang tingog nagdahunog sama sa busay.

Gipadayag 14:2

Unya aduna akoy tingog nga nadungog gikan sa langit nga sama sa dahunog sa busay o sama sa kusog nga dalogdog; kini sama usab sa tukar gikan sa daghang mga tawo nga nagtugtog ug mga harpa.

Gipadayag 19:6

Human niadto, nadungog ko ang daw tingog sa daghan kaayo nga mga tawo nga ang kakusog daw dahunog sa busay, ug daw sa kusog nga dalogdog. Nag-ingon sila, “Dayegon ta ang Ginoo! Kay ang Ginoo nga atong Dios nga makagagahom sa tanan naghari na.

1 Samuel 9:4

Busa milakaw si Saulo ug ang sulugoon. Miadto sila sa mga kabungtoran sa Efraim hangtod sa dapit sa Shalisha apan wala nila makit-i ang mga asno. Busa miadto sila sa dapit sa Shaalim ug sa mga dapit sa Benjamin apan wala usab nila makit-i didto.