Juan 3:12 - Ang Pulong sa Dios

¹² Kon wala gani kamo motuo sa akong gisulti kaninyo mahitungod sa mga ania niining kalibotan, labaw na nga dili kamo motuo kanako kon sultihan ko kamo mahitungod sa mga atua didto sa langit.

Ang Biblia 2011

¹² Kon ako nagsulti kaninyo ug yutan-ong mga butang ug kamo wala motuo, unsaon man ninyo sa pagtuo kon sultihan nako kamo ug langitnong mga butang?

Maayong Balita Biblia

¹² Kon dili ka motuo sa akong gisulti kanimo mahitungod sa mga butang niining kalibotana, unsaon mo man pagtuo kon sultihan ko ikaw mahitungod sa mga butang sa langit?

Ang Bag-ong Maayong Balita Biblia

¹² Kon dili ka motuo sa akong gisulti kanimo mahitungod sa mga butang niining kalibotana, unsaon mo man pagtuo kon sultihan ko ikaw mahitungod sa mga butang sa langit?

Juan 3:12 Cross References

Juan 3:11

Sa pagkatinuod, sultihan ka nako nga ang among nahibaloan ug nakita mao ang among gisulti. Apan wala kamo motuo niini.

Juan 3:3

Mitubag si Jesus kaniya, “Sa pagkatinuod, sultihan ka nako nga walay tawo nga maapil sa paghari sa Dios gawas kon matawo siya pag-usab.”

Juan 3:5

Mitubag si Jesus, “Sa pagkatinuod, sultihan ka nako nga walay tawo nga maapil sa paghari sa Dios kon dili siya matawo pinaagi sa tubig ug sa Espiritu.

Juan 3:8

Mohuros ang hangin bisan asa kini gustong mopaingon. Madungog nato ang iyang paghuros, apan wala kita masayod kon asa kini gikan ug asa kini padulong. Ingon pud niini ang tanan nga gipanganak pinaagi sa Espiritu.”

1 Timoteo 3:16

Dili ikalalis nga kahibulongan gayod ang mga kamatuoran sa atong pagtuo: Nagpadayag siya ingon nga tawo, gipamatud-an sa Espiritu Santo nga siya matarong, nakita siya sa mga anghel, giwali ngadto sa kanasoran, gituohan sa mga tawo, ug gibayaw ngadto sa langit.

Mga Hebreo 5:11

Daghan pa unta ang among isulti kaninyo mahitungod sa pagkapari ni Melquisedek ug ni Jesus, apan lisod kining ipadayag kaninyo tungod kay lisod kamong pasabton.

1 Juan 4:10

Mao kini ang tinuod nga paghigugma, dili tungod kay kita ang nahigugma sa Dios, kondili ang Dios mao ang nahigugma kanato, busa gipadala niya ang iyang Anak aron pinaagi sa paghalad kaniya mapasaylo ang atong mga sala.