Juan 21:25 - Ang Pulong sa Dios

²⁵ Daghan pa gayod ang mga gipangbuhat ni Jesus nga kon tagsa-tagsaon ug sulat, tingali ang tibuok kalibotan dili paigo nga kabutangan sa mga libro nga masulat.

Ang Biblia 2011

²⁵ Daghan pa usab ang ubang mga butang nga gibuhat ni Jesus. Kon isulat pa ang matag usa niini, maoy akong paghunahuna nga bisan pa ang kalibotan dili gayod paigo nga kasudlan sa mga basahon nga masulat.

Maayong Balita Biblia

²⁵ Daghan pa kaayong mga butang nga gibuhat ni Jesus. Kon gisulat pa ang tanan, nagtuo ako nga ang tibuok kalibotan dili gayod paigo nga kasudlan sa mga sinulat.

Ang Bag-ong Maayong Balita Biblia

²⁵ Daghan pa kaayong mga butang nga gibuhat ni Jesus. Kon gisulat pa ang tanan, nagtuo ako nga ang tibuok kalibotan dili gayod paigo nga kasudlan sa mga sinulat.

Juan 21:25 Cross References

Job 26:14

Ginagmay lang kini sa iyang mga binuhatan. Daw hunghong lang kini nga atong madungog kaniya. Kinsa man karon ang makatugkad sa pagkagamhanan sa Dios?”

Salmo 40:5

Ginoo nga akong Dios, walay sama kanimo. Daghang katingalahang mga butang ang imong gihimo, ug daghan ang imong mga plano alang kanamo. Dili ko masaysay kining tanan kay labihan kini kadaghan.

Salmo 71:15

Isugilon ko kanunay ang matarong mong mga binuhatan sa pagluwas sa imong katawhan, bisan kon dili ko kini matugkad.

Ecclesiastes 12:12

Anak, pagbantay niining usa pa ka butang: Ang pagsulat sa mga libro walay kataposan, ug ang labihan nga pagtuon makapakapoy kanimo.

Amos 7:10

Unya, si Amazia nga pari sa Betel nagpadala ug mensahe kang Jeroboam nga hari sa Israel. Miingon siya, “Nagplano si Amos ug daotan batok kanimo dinhi mismo sa Israel. Dili na maagwanta sa mga tawo ang iyang gipanulti.

Mateo 11:5

Sultihi ninyo siya nga ang mga buta nakakita na, ang mga bakol nakalakaw na, ang adunay mga ngilngig nga sakit sa panit nangaayo ug giisip na nga hinlo, ang mga bungol nakadungog na, ang mga patay nangabanhaw, ug ang Maayong Balita giwali ngadto sa mga kabos.

Mateo 19:24

Sayon pa ang paglusot sa usa ka mananap nga kamelyo sa bangag sa dagom kaysa pagpasakop sa adunahan sa paghari sa Dios.”

Marcos 5:16

Ang mga nakakita misulti sa mga tawo kon unsa ang nahitabo sa tawo nga gigamhan kaniadto sa mga daotang espiritu ug ang nahitabo sa mga baboy.

Mga Buhat 10:38

Gihatagan sa Dios si Jesus nga taga-Nazaret sa Espiritu Santo ug gahom. Ug tungod kay ang Dios kauban niya, miadto siya sa nagkalain-lain nga dapit ug naghimo sa mga maayong butang. Giayo niya ang tanang mga gipaantos sa yawa.

Mga Buhat 20:35

Gihimo ko kadto aron ipakita usab kaninyo nga kinahanglan maghago aron matabangan nato ang mga kabos. Hinumdoman nato kanunay ang giingon ni Ginoong Jesus nga mas bulahan ang maghatag kaysa magdawat.”

Mga Hebreo 11:32

Dinhi na lang kutob ang akong isulti kaninyo mahitungod sa mga tawo nga nagtuo sa Dios, tungod kay wala nay igong panahon sa paghisgot mahitungod kanila ni Gideon, Barak, Samson, Jefta, David, Samuel ug ang mga propeta kaniadto.