Juan 21:14 - Ang Pulong sa Dios

¹⁴ Ikatulo na kini ka higayon nga nagpakita si Jesus sa iyang mga tinun-an sukad sa iyang pagkabanhaw.

Ang Biblia 2011

¹⁴ Kini karon mao ang ikatulong pagpakita ni Jesus ngadto sa mga tinun-an human sa iyang pagkabanhaw gikan sa mga patay.

Maayong Balita Biblia

¹⁴ Ikatulo kining pagpakita ni Jesus ngadto sa mga tinun-an human siya mabanhaw.

Ang Bag-ong Maayong Balita Biblia

¹⁴ Ikatulo kining pagpakita ni Jesus ngadto sa mga tinun-an human siya mabanhaw.

Juan 21:14 Cross References

Marcos 16:12

Pagkahuman niadto, nagpakita si Jesus pinaagi sa lahing panagway ngadto sa iyang duha ka tinun-an sa dihang nagpadulong sila sa kaumahan.

Marcos 16:14

Sa kataposan nagpakita usab si Jesus sa onse ka tinun-an samtang nangaon sila. Gibadlong niya sila tungod kay wala silay pagtuo ug gahi ang ilang mga ulo, kay wala sila motuo sa gisulti sa mga nakakita kaniya human siya nabanhaw.

Juan 20:19

Sa dihang kilom-kilom na niadtong Dominggoha, nagtigom sa usa ka balay ang mga tinun-an. Ug tungod sa ilang kahadlok sa kadagkoan sa mga Judio, gitrangkahan nila ang mga pultahan sa balay nga ilang tigomanan. Miabot si Jesus ug mitindog didto sa ilang taliwala. Miingon siya, “Ang kalinaw maanaa kaninyo.”

Juan 20:26

Paglabay sa usa ka semana, nagtigom pag-usab ang mga tinun-an ni Jesus sa balay nga ilang tigomanan, ug kauban na nila si Tomas. Gitrangkahan nila ang mga pultahan sa balay, apan misulod na usab si Jesus ug mitindog didto sa ilang taliwala. Miingon siya kanila, “Ang kalinaw maanaa kaninyo.”

Juan 21:1

Paglabay sa pipila ka adlaw, nagpakita pag-usab si Jesus sa iyang mga tinun-an didto sa daplin sa Linaw sa Tiberias. Mao kini ang nahitabo: