Juan 21:1 - Ang Pulong sa Dios

¹ Paglabay sa pipila ka adlaw, nagpakita pag-usab si Jesus sa iyang mga tinun-an didto sa daplin sa Linaw sa Tiberias. Mao kini ang nahitabo:

Ang Biblia 2011

¹ Human niini si Jesus mipakita pag-usab sa iyang kaugalingon ngadto sa mga tinun-an didto sa Lanaw sa Tiberias ug siya mipakita sa iyang kaugalingon sa ingon niini nga paagi.

Maayong Balita Biblia

¹ Human niini, nagpakita na usab si Jesus sa iyang mga tinun-an didto sa Lanaw sa Tiberias. Ang iyang pagpakita ingon niini:

Ang Bag-ong Maayong Balita Biblia

¹ Human niini, nagpakita na usab si Jesus sa iyang mga tinun-an didto sa Lanaw sa Tiberias. Ang iyang pagpakita ingon niini:

Juan 21:1 Cross References

Mateo 26:32

Apan human ako mabanhaw, mouna ako kaninyo didto sa Galilea.”

Mateo 28:16

Unya, miadto ang onse ka tinun-an didto sa Galilea, sa bukid nga giingon kanila ni Jesus diin sila magkita.

Mateo 28:7

Adtoi ninyo ang iyang mga tinun-an, ug sultihi ninyo sila nga nabanhaw siya. Miuna siya kaninyo didto sa Galilea. Didto ninyo siya makita. Ayaw ninyo kalimti kining akong gisulti kaninyo.”

Marcos 16:12

Pagkahuman niadto, nagpakita si Jesus pinaagi sa lahing panagway ngadto sa iyang duha ka tinun-an sa dihang nagpadulong sila sa kaumahan.

Marcos 16:14

Sa kataposan nagpakita usab si Jesus sa onse ka tinun-an samtang nangaon sila. Gibadlong niya sila tungod kay wala silay pagtuo ug gahi ang ilang mga ulo, kay wala sila motuo sa gisulti sa mga nakakita kaniya human siya nabanhaw.

Marcos 16:7

Lakaw kamo, sultihi ninyo ang iyang mga tinun-an labi na gayod si Pedro nga mouna si Jesus kaninyo didto sa Galilea, ug didto ninyo siya makita sumala sa iyang giingon kaninyo.”

Juan 21:14

Ikatulo na kini ka higayon nga nagpakita si Jesus sa iyang mga tinun-an sukad sa iyang pagkabanhaw.

Juan 6:1

Pagkahuman niadto, mitabok si Jesus sa Linaw sa Galilea, nga gitawag pud nga Dagat sa Tiberias.