Juan 2:18 - Ang Pulong sa Dios

¹⁸ Tungod sa iyang gihimo, gipangutana siya sa mga tigdumala sa mga Judio, “Unsa nga milagro ang imong ikapakita kanamo sa pagpamatuod nga ikaw adunay gahom sa paghimo niini?”

Ang Biblia 2011

¹⁸ Busa ang mga Judio miingon kaniya, “Unsa man ang ilhanan nga imong ikapakita kanamo nga ikaw nagbuhat man niini?”

Maayong Balita Biblia

¹⁸ Tungod sa gibuhat ni Jesus nangutana kaniya ang kadagkoan sa mga Judio, “Unsay ilhanan nga ikapakita mo aron pagmatuod nga may katungod ka pagbuhat niini?”

Ang Bag-ong Maayong Balita Biblia

¹⁸ Tungod sa gibuhat ni Jesus nangutana kaniya ang kadagkoan sa mga Judio, “Unsay ilhanan nga ikapakita mo aron pagmatuod nga may katungod ka pagbuhat niini?”

Juan 2:18 Cross References

1 Mga Hari 13:3

Niana mismong adlawa, naghatag ang alagad sa Dios ug timailhan nga mahitabo ang iyang gisulti. Miingon siya, “Mao kini ang timailhan nga giingon sa Ginoo: Mabungkag kini nga halaran ug mayabo ang mga abo niini.”

Exodo 7:9

“Kon moingon ang hari nga pamatud-i ninyo pinaagi sa paghimo ug milagro, ikaw Moises moingon kang Aaron, ‘Iitsa ang imong baston atubangan sa hari! Ug mahimo kini nga halas.’ ”

Mateo 21:23

Misulod pag-usab si Jesus sa templo ug nagtudlo sa mga tawo. Didto adunay kadagkoan sa mga pari ug mga pangulo sa mga Judio nga miduol kaniya ug nangutana, “Unsa ba ang imong katungod sa pagbuhat niining mga butanga dinhi sa templo? Kinsa ba ang naghatag kanimo niini nga katungod?”

Marcos 8:11

Pag-abot nila didto, adunay mga Pariseo nga miadto kang Jesus ug nakiglalis kaniya. Nangayo silag milagro gikan sa Dios sa pagpamatuod nga gipadala siya sa Dios. Gihimo nila kini aron sa pagsulay kaniya.

Lucas 11:29

Samtang nagkadugang pa gayod ang gidaghanon sa mga tawo nga nagtigom didto kang Jesus, miingon siya, “Pagkadaotan gayod sa mga tawo niining panahona. Nangayo sila ug milagro. Apan walay milagro nga ipakita kanila gawas sa milagro nga nahitabo kang Jonas.

Juan 1:19

Kini ang mensahe ni Juan sa dihang gisugo sa mga kadagkoan sa mga Judio sa Jerusalem ang mga pari ug ang mga katabang nila sa templo nga adtoon si Juan ug pangutan-on kon kinsa gayod siya.

Juan 1:25

Gipangutana nila pag-usab si Juan, “Nganong nagbautismo ka sa mga tawo kon dili ikaw ang Mesiyas, o kaha si Elias, o kaha ang Propeta nga among gipaabot?”

Juan 6:30

Miingon usab sila, “Unsa man nga milagro ang imong ipakita kanamo aron motuo kami kanimo?

Mga Buhat 4:7

Gidala ngadto kanila si Pedro ug si Juan ug gipangutana, “Sa unsang gahom o kang kinsang ngalan ang inyong gigamit sa pag-ayo sa tawo nga bakol?”

Mga Buhat 5:28

“Dili ba gimandoan na namo kamo nga dili na magtudlo mahitungod kang Jesus? Apan tan-awa ang inyong gihimo! Mikaylap na ang inyong pagtulon-an sa tibuok nga Jerusalem, ug kami pa ang inyong gipasanginlan nga mipatay kaniya!”