Juan 18:30 - Ang Pulong sa Dios

³⁰ Mitubag sila, “Kon wala siyay nahimong daotan wala unta namo siya dad-a dinhi kanimo.”

Ang Biblia 2011

³⁰ Sila mitubag ug miingon kaniya, “Kon kining tawhana dili pa tigbuhat ug daotan, wala unta namo siya itugyan kanimo.”

Maayong Balita Biblia

³⁰ Sila mitubag, “Dili unta namo siya dad-on nganhi kanimo kon wala pa siya makasala.”

Ang Bag-ong Maayong Balita Biblia

³⁰ Sila mitubag, “Dili unta namo siya dad-on nganhi kanimo kon wala pa siya makasala.”

Juan 18:30 Cross References

Marcos 10:33

Miingon siya kanila, “Pamati kamo! Nagpadulong kita sa Jerusalem ug ang Anak sa Tawo itugyan didto sa mga kadagkoan sa mga pari ug mga magtutudlo sa Kasugoan, ug hukman nila ako nga patyon. Ug itugyan nila siya ngadto sa mga tawo nga dili Judio.

Marcos 15:3

Daghan ang mga sumbong sa kadagkoan sa mga pari batok kang Jesus.

Lucas 24:7

nga siya nga Anak sa Tawo kinahanglan itugyan ngadto sa mga makasasala ug ilansang sa krus, apan sa ikatulo ka adlaw mabanhaw siya?”

Juan 18:29

Busa si Pilato mao ang migawas didto kanila ug nangutana kon unsa ang ilang sumbong batok kang Jesus.

Juan 18:31

Miingon si Pilato kanila, “Dad-a ninyo siya ug kamo ang mohukom kaniya sumala sa inyong kasugoan.” Mitubag ang mga Judio, “Apan wala kami tugoti nga maghukom ug kamatayon sa tawo.”

Juan 19:12

Pagkadungog niadto ni Pilato nangita pa gayod siyag pamaagi nga buhian si Jesus. Apan naninggit ang mga kadagkoan sa mga Judio, “Kon buhian mo siya, dili ikaw higala sa Emperador. Kay si bisan kinsa nga magpakahari kaaway sa Emperador.”

Mga Buhat 3:13

Ang Dios nga gisimba sa atong mga katigulangan nga si Abraham, si Isaac, ug si Jacob mao ang naghimo niini aron sa pagpasidungog sa iyang sulugoon nga si Jesus. Kini mao ang Jesus nga inyong gitugyan sa mga tawong anaa sa panggamhanan ug inyong gisalikway atubangan ni Pilato, bisan nadesisyonan na niya nga buhian siya.

2 Timoteo 2:9

Tungod sa akong pagwali sa Maayong Balita nag-antos ako ug kinadenahan pa ako sama sa kriminal sa prisohan. Apan ang pulong sa Dios dili makadenahan.

1 Pedro 4:15

Kon silotan kamo, hinaut nga dili tungod kay nakapatay kamo ug tawo, o nangawat, o nagbuhat ug daotan, o nanghilabot sa kinabuhi sa uban.