Juan 17:10 - Ang Pulong sa Dios

¹⁰ Ang tanan nga akoa, imo, ug ang tanan nga imo, akoa pud. Ug gipasidunggan nila ako.

Ang Biblia 2011

¹⁰ Ang tanan nga akoa imo ug ang imo akoa, ug diha kanila ako nahimaya.

Maayong Balita Biblia

¹⁰ Ang tanang tawo nga ako, imo. Ug silang tanan nga imo, ako. Ug ang akong himaya gipadayag diha kanila.

Ang Bag-ong Maayong Balita Biblia

¹⁰ Ang tanang tawo nga ako, imo. Ug silang tanan nga imo, ako. Ug ang akong himaya gipadayag diha kanila.

Juan 17:10 Cross References

Juan 10:30

Ako ug ang Amahan usa lang.”

Juan 11:4

Pagkadungog ni Jesus niini, miingon siya, “Dili kamatayon ang katapusan niini nga sakit, apan nahitabo kini alang sa kahimayaan sa Dios, aron pinaagi niini, ako, nga iyang Anak, mapadayag sa akong mahimayaong gahom.”

Juan 12:23

Miingon dayon si Jesus kanila, “Karon miabot na ang higayon nga mapasidunggan ang Anak sa Tawo.

Juan 5:23

aron ang tanan mopasidungog sa Anak sama sa ilang pagpasidungog sa Amahan. Busa ang wala nagpasidungog kanako wala pud nagpasidungog sa Amahan nga nagpadala kanako.

Mga Buhat 19:17

Kining hitaboa nabalitaan sa tanang mga Judio ug mga dili Judio nga nagpuyo didto sa Efeso ug nangahadlok sila, ug napasidunggan pa gayod ang ngalan ni Ginoong Jesus.

Mga Taga-Galacia 1:24

Busa gidayeg nila ang Dios tungod sa gibuhat niya kanako.

Mga Taga-Filipos 1:20

Dako kaayo ang akong tinguha ug paglaom nga dili gayod ako maulawan, ug unta sama kaniadto, magpadayon gihapon ako nga magmaisogon aron nga pinaagi sa akong kinabuhi, o sa akong kamatayon, madayeg si Cristo.

Mga Taga-Colosas 2:9

Ang tinuod, si Cristo nahimong tawo, apan bisan pa niini, anaa gihapon kaniya ang iyang pagka-Dios.

2 Mga Taga-Tesalonica 1:10

Kini mahitabo unya sa adlaw nga moabot ang Ginoo. Ug dayegon si Jesus sa iyang mga katawhan nga mao ang tanan nga nagtuo kaniya. Kamo usab mahimong kauban nila, kay nagtuo man kamo sa pulong sa Dios nga among giwali kaninyo.

2 Mga Taga-Tesalonica 1:12

Kay pinaagi niini, madayeg ang atong Ginoong Jesus tungod kaninyo, ug kamo madayeg usab tungod kaniya. Kini mahitabo tungod sa grasya sa atong Dios ug ni Ginoong Jesu-Cristo.

1 Pedro 2:9

Apan kamo mga pinili, mga pari sa Hari, ug mga katawhan sa Dios. Nahimo kamong iya aron magmantala sa iyang kahibulongan nga mga binuhatan. Siya ang nagtawag kaninyo gikan sa kangitngit ngadto sa iyang kahibulongan nga kahayag.