Juan 15:12 - Ang Pulong sa Dios

¹² Mao kini ang akong sugo: paghigugmaay kamo sama sa akong paghigugma kaninyo.

Ang Biblia 2011

¹² “Mao kini ang akong sugo, nga kinahanglang maghigugmaay kamo sa usa ug usa sama nga ako nahigugma kaninyo.

Maayong Balita Biblia

¹² Kini mao ang akong sugo: paghigugmaay kamo sama nga ako nahigugma kaninyo.

Ang Bag-ong Maayong Balita Biblia

¹² Kini mao ang akong sugo: paghigugmaay kamo sama nga ako nahigugma kaninyo.

Juan 15:12 Cross References

Malaquias 1:2

Miingon ang  Ginoo, “Gihigugma ko kamo. “Apan nangutana pa kamo, ‘Giunsa mo man kami paghigugma?’ “Hinumdomi ninyo nga bisan managsoon si Esau ug si Jacob, gihigugma ko si Jacob

Juan 13:34

“Busa karon ihatag ko kaninyo ang usa ka bag-o nga sugo: paghigugmaay kamo. Kon unsa ang akong paghigugma kaninyo kinahanglan sama usab niana ang inyong paghigugma sa usag usa.

Juan 15:17

Busa mao kini ang akong sugo kaninyo: paghigugmaay kamo.”

Roma 12:10

Isip managsoon kang Cristo maghinigugmaay gayod kita, ug magtinahoray sa usag usa.

Mga Taga-Efeso 5:2

Kinahanglan makita kanunay sa inyong kinabuhi nga gihigugma ninyo ang uban sama sa paghigugma ni Cristo kanato. Kay gihatag pa gani niya ang iyang kinabuhi alang kanato isip mahumot nga halad ngadto sa Dios.

1 Mga Taga-Tesalonica 3:12

Ug hinaut nga tabangan kamo sa Ginoo nga madugangan pa gayod ang inyong paghigugma sa usag usa ug sa tanan nga katawhan sama sa among paghigugma kaninyo.

1 Mga Taga-Tesalonica 4:9

Karon, kon mahitungod sa paghigugmaay ingon nga managsoon diha, dili na kinahanglan nga sulatan pa kamo, kay ang Dios ang nagtudlo kaninyo nga maghigugmaay kamo.

2 Mga Taga-Tesalonica 1:3

Mga igsoon kang Cristo, nagpasalamat kami kanunay sa Dios tungod kaninyo. Ug angay gayod nga magpasalamat kami kanunay kaniya, kay nagdugang ang inyong pagtuo kang Cristo ug ang inyong paghinigugmaay sa usag usa.

1 Pedro 1:22

Ug tungod kay nagsunod na kamo sa kamatuoran, gihinloan kamo gikan sa inyong mga sala aron nga magmatinud-anon kamo sa paghigugma sa inyong mga igsoon kang Cristo. Hinaut unta nga maghigugmaay kamo sa kinasing-kasing gayod,

1 Pedro 3:8

Karon, ania ang akong tugon kaninyong tanan: kinahanglan maghiusa kamo sa inyong huna-huna ug pagbati. Paghinigugmaay kamo isip managsoon. Pagmaluloy-on kamo ug pagmapainubsanon sa usag usa.

1 Pedro 4:8

Ug labaw sa tanan, paghinigugmaay kamo sa kinasing-kasing gayod. Kay kon aduna kay paghigugma sa imong isigka-tawo, mapasaylo mo siya bisan daghan ang iyang sala.

1 Juan 3:23

Mao kini ang iyang sugo: motuo kita sa iyang Anak nga si Jesu-Cristo, ug maghigugmaay kita sumala sa iyang sugo kanato.

1 Juan 4:21

Busa mao kini ang sugo nga gihatag ni Cristo kanato: ang tawo nga nahigugma sa Dios kinahanglan usab nga mahigugma sa iyang igsoon.

2 Juan 1:5

Busa, nanghangyo ako kanimo nga maghigugmaay kitang tanan. Kining akong gisulat kanimo dili bag-o nga sugo. Mao kini ang sugo nga gihatag na kanato sukad nga kita mituo.