Juan 13:9 - Ang Pulong sa Dios

⁹ Busa miingon si Simon Pedro, “Kon mao kana Ginoo, dili lang ang akong mga tiil ang hugasi, kondili apil usab ang akong mga kamot ug ang akong ulo.”

Ang Biblia 2011

⁹ Si Simon Pedro miingon kaniya, “Ginoo, dili lamang ang akong mga tiil, kondili lakip usab ang akong mga kamot ug ang akong ulo!”

Maayong Balita Biblia

⁹ Si Simon Pedro mitubag, “Kon mao kana, Ginoo, dili kay ang mga tiil ko lamang ang hugasi kondili hasta usab ang akong ulo ug mga kamot!”

Ang Bag-ong Maayong Balita Biblia

⁹ Si Simon Pedro mitubag, “Kon mao kana, Ginoo, dili kay ang mga tiil ko lamang ang hugasi kondili hasta usab ang akong ulo ug mga kamot!”

Juan 13:9 Cross References

Salmo 26:6

Hugasan ko ang akong mga kamot sa pagpaila nga wala akoy sala. Ug unya, molibot ako sa imong halaran sa pagsimba kanimo, Ginoo,

Salmo 51:2

Hugasi ako sa akong pagkadaotan; hinloi ako sa akong mga sala.

Salmo 51:7

Hinloi ako sa akong mga sala aron mahinloan ako; hugasi ako aron mahimo akong putli.

Jeremias 4:14

“Mga taga-Jerusalem, hinloi sa kadaotan ang inyong kasing-kasing aron maluwas kamo. Hangtod kanus-a magpabilin ang pagkadaotan sa inyong huna-huna?

Mateo 27:24

Sa pagkakita ni Pilato nga wala na siyay mahimo kay basin masamok ang mga tawo, nagpakuha siya ug tubig ug nanghunaw siya atubangan sa mga tawo. Miingon siya, “Wala akoy kalabotan sa kamatayon niini nga tawo. Inyo kanang tulubagon!”

Juan 13:10

Apan miingon si Jesus, “Ang naligo na, limpyo na ang iyang tibuok lawas, ug dili na kinahanglan nga hugasan pa gawas lamang sa iyang mga tiil. Limpyo na kamo, apan dili kamong tanan.”

Juan 13:8

Miingon si Pedro, “Dili gayod mahimo nga ikaw ang mohugas sa akong mga tiil.” Apan miingon si Jesus kaniya, “Kon dili ka magpahugas sa imong mga tiil kanako, dili ka na akong kauban.”

Mga Hebreo 10:22

Busa, sa kinasing-kasing gayod ug sa walay pagduha-duha moduol kita sa Dios. Kay nasayran nato nga gihinloan na ang atong mga kasing-kasing gikan sa atong sad-an nga konsensya pinaagi sa dugo ni Jesus, ug ang atong lawas nahugasan na sa hinlo nga tubig.

1 Pedro 3:21

Kini nga tubig mao ang panig-ingnan sa pagbautismo kanato. Ug kini nga bautismo mao ang nagluwas kanato pinaagi sa pagkabanhaw ni Jesu-Cristo. Dili kini paghugas sa mga hugaw sa atong lawas, kondili nagsaad kita sa Dios nga dili na kita magbuhat sa mga butang nga atong nasayran nga dili niya gusto.