Juan 13:24 - Ang Pulong sa Dios

²⁴ Gisinyasan siya ni Simon Pedro nga pangutan-on si Jesus kon kinsa ang iyang buot ipasabot.

Ang Biblia 2011

²⁴ Ug si Simon Pedro misinyas kaniya ug miingon, “Tug-ani kami kinsay iyang gipasabot.”

Maayong Balita Biblia

²⁴ Si Simon Pedro misinyas kaniya ug miingon, “Pangutan-a si Jesus kon kinsa ang iyang gipasabot.”

Ang Bag-ong Maayong Balita Biblia

²⁴ Si Simon Pedro misinyas kaniya ug miingon, “Pangutan-a si Jesus kon kinsa ang iyang gipasabot.”

Juan 13:24 Cross References

Lucas 1:22

Sa paggawas niya, dili na siya makasulti ug tungod niini nagsinyas na lang siya sa mga tawo. Nasabtan nila nga adunay gipakita ang Dios kaniya didto sa sulod sa templo.

Lucas 5:7

Unya gikamay nila ang ilang mga kauban didto sa lain nga sakayan aron tabangan sila. Pag-abot sa ilang mga kauban gipuno nila ug isda ang duha ka sakayan, ug hapit sila malunod tungod sa kadaghan sa mga isda.

Juan 13:23

Ang usa sa mga tinun-an nga gimahal gayod ni Jesus naglingkod didto sa iyang tapad.

Juan 13:25

Busa midip-ig siya kang Jesus ug nangutana kon kinsa ang magluib kaniya.

Mga Buhat 12:17

Gisinyasan sila ni Pedro nga mohilom, ug gisaysay niya kanila kon giunsa siya pagpagawas sa Ginoo gikan sa prisohan. Gisultihan niya sila nga suginlan nila si Santiago ug ang uban pang mga magtutuo. Unya migikan siya ug miadto sa laing dapit.

Mga Buhat 13:16

Busa mitindog si Pablo ug gisinyasan niya ang mga tawo nga maminaw kaniya. Miingon siya: “Mga kaigsoonan kong mga Israelinhon, ug kamong dili mga Israelinhon apan nagsimba usab sa Dios, paminawa ninyo ako!

Mga Buhat 21:40

Gitugotan siya sa komander nga mosulti, busa mitindog si Pablo sa hagdanan ug misinyas sa mga tawo nga aduna siyay isulti. Sa nahilom na sila, misulti siya sa pinulongang Hebreo.