Juan 13:12 - Ang Pulong sa Dios

¹² Sa nahugasan na ni Jesus ang ilang mga tiil, gisul-ob niya pag-usab ang iyang kupo ug mibalik sa lamisa. Nangutana siya kanila, “Nasabtan ba ninyo kon unsa ang kahulogan sa akong gibuhat kaninyo?

Ang Biblia 2011

¹² Sa nahugasan na niya ang ilang mga tiil, ug nasul-ob na ang iyang kupo, ug nakapahimutang na sa kan-anan, siya miingon kanila, “Nakahibalo ba kamo unsa ang akong gibuhat kaninyo?

Maayong Balita Biblia

¹² Human niya kahugasi ang ilang mga tiil, gisul-ob pag-usab ni Jesus ang iyang sapaw ug mibalik siya sa iyang dapit sa lamisa. Unya nangutana siya, “Nakasabot ba kamo sa akong gibuhat kaninyo?

Ang Bag-ong Maayong Balita Biblia

¹² Human niya kahugasi ang ilang mga tiil, gisul-ob pag-usab ni Jesus ang iyang sapaw ug mibalik siya sa iyang dapit sa lamisa. Unya nangutana siya, “Nakasabot ba kamo sa akong gibuhat kaninyo?

Juan 13:12 Cross References

Ezequiel 24:19

Unya nangutana ang mga tawo kanako, “Unsay buot mo nga ipasabot nianang imo nga gibuhat?”

Ezequiel 24:24

Ang nahitabo kang Ezekiel mahimo nga usa ka panig-ingnan diha kaninyo. Ang iyang gihimo, mao usab ang inyong himuon. Kon mahitabo na kini, mahibaloan ninyo nga ako mao ang Ginoong Dios.”

Mateo 13:51

Unya nangutana si Jesus kanila, “Nasabtan ba ninyo ang tanan ko nga gipanulti?” Mitubag sila, “Oo.”

Marcos 4:13

Unya nangutana si Jesus kanila, “Wala ba diay kamo makasabot niadto nga sambingay? Kon mao kana, unsaon ninyo pagkasabot sa uban pa nakong mga sambingay?

Lucas 22:27

Kinsa sa duha ang mas labaw, ang gisilbihan ba sa pagkaon o ang nagsilbi? Dili ba nga mas labaw man ang gisilbihan? Apan ako mao gayod ang nagsilbi kaninyo bisan tuod ug ako inyong agalon.

Juan 13:4

Samtang nanihapon sila, mitindog siya ug naghukas sa iyang kupo. Unya mikuha siyag tualya ug iya kining gibakos.

Juan 13:7

Gitubag siya ni Jesus, “Karon dili mo pa masabtan kon unsa ang kahulogan niining akong gibuhat, apan masabtan mo ra kini sa kaulahian.”