Juan 12:38 - Ang Pulong sa Dios

³⁸ Busa napamatud-an ang giingon ni Propeta Isaias: “Ginoo, walay mituo sa among gibalita. Kinsa bay nasayod sa gahom nga gipakita mo kanila?”

Ang Biblia 2011

³⁸ aron matuman ang pulong nga gisulti ni Isaias nga propeta, nga nag-ingon, “Ginoo, kinsa ba ang mituo sa ilang nadungog gikan kanamo, ug kang kinsa ba gikapadayag ang bukton sa Ginoo?”

Maayong Balita Biblia

³⁸ aron matuman ang gisulti ni propeta Isaias: “Ginoo, kinsay mituo sa mensahe nga among gisangyaw? Ug kinsa bay gipakitaan sa Ginoo sa iyang gahom?”

Ang Bag-ong Maayong Balita Biblia

³⁸ aron matuman ang gisulti ni propeta Isaias: “Ginoo, kinsay mituo sa mensahe nga among gisangyaw? Ug kinsa bay gipakitaan sa Ginoo sa iyang gahom?”

Juan 12:38 Cross References

2 Cronicas 32:20

Busa tungod niini, nag-ampo si Haring Ezequias ug si Propeta Isaias nga anak ni Amos ngadto sa Dios sa langit.

Salmo 44:3

Apan wala maangkon sa among mga katigulangan ang yuta pinaagi sa ilang hinagiban ug katakos, kondili pinaagi sa imong gahom, katakos, ug kaluoy, tungod kay gihigugma mo sila.

Isaias 51:5

Hapit ko na kamo hatagan ug kadaogan. Sa dili madugay luwason ko kamo. Dumalahan ko ang mga nasod. Ang anaa sa mga isla maghulat kanako ug maglaom sa akong gahom.

Isaias 51:9

Sige na, Ginoo, tabangi kami. Gamita ang imong gahom sa pagluwas kanamo. Tabangi kami sama sa imong gihimo kaniadto. Dili ba ikaw man ang nagtagod-tagod sa dragon nga si Rahab?

Isaias 53:1

Kinsa ang makatuo sa among mensahe? Kang kinsa gipadayag sa Ginoo ang iyang gahom?

Mateo 15:7

Mga tigpakaaron-ingnon! Tinuod gayod ang giingon sa Dios mahitungod kaninyo pinaagi kang Propeta Isaias,

Mateo 16:17

Miingon si Jesus kaniya, “Simon nga anak ni Jonas, bulahan ka, tungod kay ang nagsulti kanimo niini dili tawo kondili ang akong Amahan sa langit.

Mateo 27:35

Unya gilansang nila siya sa krus, ug gibahin-bahin nila ang iyang mga bisti pinaagi sa hulbot-hulbot.

Juan 12:37

Bisan nakakita na gayod sila sa daghang mga milagro nga gipangbuhat ni Jesus, wala gihapon sila motuo kaniya.

Juan 12:39

Miingon pa gayod si Isaias: “Gibutaan sila sa Dios aron dili sila makakita, ug gitakpan niya ang ilang mga huna-huna aron dili sila makasabot, kay basin pag mobalik sila ngadto sa Dios ug ayohon niya sila.” Busa mao kini ang hinungdan kon nganong wala sila motuo.

Juan 15:25

Sa ilang gibuhat natuman ang nasulat sa ilang Kasugoan nga nag-ingon, ‘Gikasilagan nila ako sa walay igong hinungdan.’ ”

Juan 17:12

Sa akong pagpakig-uban kanila gibantayan ko sila pinaagi sa imong gahom nga gihatag mo kanako. Gibantayan ko sila, ug wala gayoy nawala kanila, gawas lang sa tawo nga gitakda na nga malaglag, aron matuman ang Kasulatan.

Juan 19:24

Nag-ingnanay ang mga sundalo sa usag usa, “Dili lang nato kini bahin-bahinon, kondili ripahan nato kon kinsa ang makaangkon niini.” Kini nahitabo aron matuman ang giingon sa Kasulatan: “Gibahin-bahin nila ang akong bisti ug giripahan nila ang akong pang-ilalom nga bisti.” Ug mao gayod kini ang gihimo sa mga sundalo.

Roma 10:16

Apan dili ang tanan nagdawat sa Maayong Balita. Sama sa giingon ni Isaias, “Ginoo, kinsa ba ang mituo sa among giwali?”

Roma 10:20

Ug walay kahadlok nga misulti niini si Isaias: “Nakaplagan ako sa mga tawo nga wala mangita kanako, ug bisan wala sila mangutana mahitungod kanako, nagpaila ako kanila kon kinsa ako.”

1 Mga Taga-Corinto 1:24

Apan sa mga tawo nga gitawag sa Dios, Judio man o dili, si Cristo mao ang gahom ug ang kaalam sa Dios.

Mga Taga-Galacia 1:16

Ug sa dihang gipadayag sa Dios kanako ang iyang Anak nga si Jesu-Cristo aron iwali siya ngadto sa mga dili Judio, wala ako magpatambag kang bisan kinsa.