Juan 12:15 - Ang Pulong sa Dios

¹⁵ “Kamo nga mga taga-Zion, ayaw kamo kahadlok, tungod kay ang inyong hari niabot, nga nagsakay sa nating asno.”

Ang Biblia 2011

¹⁵ “Ayaw kahadlok, babaye nga anak sa Zion; tan-awa, mianhi ang imong hari, nga nagkabayo sa nati sa asno!”

Maayong Balita Biblia

¹⁵ “Ayaw kahadlok, siyudad sa Sion! Ania ang imong Hari, nagkabayo sa usa ka nating asno.”

Ang Bag-ong Maayong Balita Biblia

¹⁵ “Ayaw kahadlok, siyudad sa Sion! Ania ang imong Hari, nagkabayo sa usa ka nating asno.”

Juan 12:15 Cross References

2 Samuel 15:1

Sa paglabay sa panahon, nakaangkon si Absalom ug karwahi ug mga kabayo, ug 50 ka mga tigbalantay.

2 Samuel 16:2

Gipangutana ni David si Ziba, “Nganong nagdala ka niana?” Mitubag si Ziba, “Ang mga asno alang sa imong pamilya aron ilang masakyan, ang mga pan ug mga prutas aron inyong kan-on sa imong mga kauban, ug ang bino aron inyong imnon kon kapuyon kamo sa kamingawan.”

1 Mga Hari 1:33

ug miingon ang hari kanila, “Pasakya ninyo sa akong mula si Solomon nga akong anak. Dad-a ninyo siya sa Gihon uban sa akong mga opisyal,

Isaias 41:14

Bisan ug gamay ka lang ug luya, ayaw kahadlok kay ako mismo ang motabang kanimo. Ako, ang  Ginoo, ang nag-ingon niini. Ako ang imong Manluluwas, ang balaan nga Dios sa Israel.

Isaias 62:11

Pamati! Nagpadala ang  Ginoo niining mensahe alang sa tibuok kalibotan, “Ingna ang mga lumulupyo sa Zion nga ang ilang Manluluwas moabot na, ug aduna siyay dala nga ganti.

Miqueas 4:8

Ang Jerusalem, nga sama sa usa ka tore nga lantawanan, diin ang Dios magbantay sa iyang katawhan mahimo pag-usab nga nag-unang siyudad sa Israel sama kaniadto.”

Zacarias 9:9

Miingon ang  Ginoo, “Panghugyaw gayod kamo sa kalipay, kamong mga lumulupyo sa Zion, kay ang inyong hari moabot. Matarong siya ug madaogon. Mapainubsanon siya ug moabot nga nagsakay sa nating asno.

Mateo 21:5

“Sultihi ninyo ang mga taga-Zion, ‘Paminaw kamo! Ania na ang inyong hari. Mapainubsanon siya, ug moabot na siya nga nagsakay sa nating asno!’ ”

Juan 12:14

Nakakaplag si Jesus ug usa ka nating asno ug iya kining gisakyan. Sa iyang gihimo natuman ang giingon sa Dios sa Kasulatan nga nag-ingon,

Deuteronomio 17:16

Kinahanglan nga ang inyong hari dili magtigom ug daghang mga kabayo, ug dili niya angay nga pabalikon ang iyang mga tawo sa Ehipto aron sa pagpalit ug dugang pa nga mga kabayo, kay ang Ginoo nga inyong Dios nag-ingon kaninyo nga dili na gayod kamo mobalik didto.

Mga Maghuhukom 12:14

Adunay 40 siya ka mga anak nga lalaki ug 30 ka mga apo nga lalaki, nga adunay tagsa ka asno nga masakyan. Walo ka tuig siyang nangulo sa Israel.

Mga Maghuhukom 5:10

“Kamong mga nagsakay sa puti nga mga asno ug naglingkod sa matahom nga mga lingkoranan niini, ug kamong mga naglakaw sa dalan, paminaw kamo!