Juan 12:10 - Ang Pulong sa Dios

¹⁰ Busa giplano sa kadagkoan sa mga pari nga patyon usab si Lazaro,

Ang Biblia 2011

¹⁰ Busa ang mga pangulong pari nagsabot sa pagpatay usab kang Lazaro

Maayong Balita Biblia

¹⁰ Tungod niini ang mga kadagkoan sa mga pari naglaraw sa pagpatay usab kang Lazaro

Ang Bag-ong Maayong Balita Biblia

¹⁰ Tungod niini ang mga kadagkoan sa mga pari naglaraw sa pagpatay usab kang Lazaro

Juan 12:10 Cross References

Exodo 10:3

Busa miadto si Moises ug si Aaron sa hari ug miingon, “Mao kini ang giingon sa Ginoo, nga Dios sa mga Hebreo: ‘Hangtod kanus-a ka magdumili sa pagpaubos sa imong kaugalingon kanako? Palakwa ang akong katawhan aron makasimba sila kanako.

Ecclesiastes 9:3

Mao kini ang nakadaot sa tanang nahitabo sa kalibotan: usa lang ang dangatan sa tanan. Ug dugang pa niana, puno usab sa kadaotan ug kabuang ang huna-huna sa tawo samtang buhi pa siya, ug human niana, mamatay siya.

Mateo 12:14

Unya nanggawas ang mga Pariseo ug nagplano sila kon unsaon nila pagpatay si Jesus.

Mateo 2:16

Sa dihang nahibaloan ni Herodes nga gilimbongan siya sa mga tawo nga gikan sa sidlakan, napungot siya pag-ayo. Busa mimando siya nga pamatyon ang tanang bata nga lalaki sa Betlehem ug sa palibot niini, nga nag-edad ug duha ka tuig paubos. Kay sumala sa iyang nahibaloan gikan sa mga tawo nga naggikan sa sidlakan, mga duha na ka tuig ang nakalabay sukad sa ilang pagkakita sa bitoon.

Lucas 16:31

“Apan miingon si Abraham, ‘Kon dili sila motuo sa mga sinulat ni Moises ug sa mga propeta, nan, dili usab sila motuo bisan pag adunay mabanhaw nga patay!’ ”

Juan 11:57

Niadto diay nga higayon kay nagsugo nang daan ang mga kadagkoan sa mga pari ug ang mga Pariseo nga si bisan kinsa nga masayod kon asa si Jesus kinahanglan mosulti kanila aron madakop nila siya.

Juan 12:11

kay tungod kaniya, daghan sa mga Judio ang namiya kanila ug nagtuo kang Jesus.

Juan 12:9

Daghang mga Judio ang nakabalita nga didto si Jesus sa Betania, busa nangadto sila didto. Nangadto sila dili lang tungod kang Jesus, kondili gusto usab nila nga makita si Lazaro nga iyang gibanhaw.