Juan 11:39 - Ang Pulong sa Dios

³⁹ Pag-abot nila didto, miingon si Jesus, “Kuhaa ninyo ang bato.” Apan miingon si Marta nga igsoon sa namatay, “Ginoo, baho na siya karon, kay upat na ka adlaw nga siya gilubong!”

Ang Biblia 2011

³⁹ Si Jesus miingon kanila, “Kuhaa ninyo ang bato.” Si Marta, ang igsoon sa namatay, miingon kaniya, “Ginoo, baho na siya karon kay upat na man ka adlaw sukad sa iyang pagkamatay.”

Maayong Balita Biblia

³⁹ “Kuhaa ninyo ang bato!” misugo si Jesus. Si Marta, ang igsoon sa namatay, miingon, “Ginoo, baho na siya karon kay upat na man siya ka adlaw sulod sa lubnganan!”

Ang Bag-ong Maayong Balita Biblia

³⁹ “Kuhaa ninyo ang bato!” misugo si Jesus. Si Marta, ang igsoon sa namatay, miingon, “Ginoo, baho na siya karon kay upat na man siya ka adlaw sulod sa lubnganan!”

Juan 11:39 Cross References

Genesis 23:4

“Nagpuyo ako dinhi sa inyong dapit ingon nga usa ka dumuduong, busa tugoti ninyo ako nga makaangkon ug yuta nga kalubngan ko sa akong asawa.”

Genesis 3:19

Kinahanglan nga maghago ka ug maayo sa dugay nga panahon una ka makakaon, hangtod nga mobalik ka sa yuta nga mao ang imong gigikanan. Kay sa abog ka gikan, sa abog ka usab mobalik.”

Salmo 49:14

Gitakda na silang mamatay daw sa mga karnero. Ang kamatayon sama sa mga magbalantay sa karnero nga mogiya kanila ngadto sa lubnganan. (Sa adlaw sa kaluwasan, gamhan sila sa mga matarong.) Ang ilang mga patayng lawas mangadunot, ug ang lubnganan maoy ilang puloy-anan.

Salmo 49:7

Ang usa ka tawo dili gayod makahimo sa pagbayad sa Dios aron nga magpabilin siyang buhi o alang sa kinabuhi sa uban.

Salmo 49:9

aron mabuhi ang usa ka tawo hangtod sa kahangtoran ug dili mamatay.

Marcos 16:3

Ug nagpangutan-anay sila, “Kinsa ang atong hangyoon nga moligid sa bato nga gitabon sa lubnganan?” (Kay hilabihan kadako ang nakatabon nga bato.) Apan pag-abot nila didto, nakita nila nga naligid na ang bato.

Juan 11:17

Sa pag-abot ni Jesus sa Betania, nabalitaan niya nga upat na ka adlaw nga nalubong si Lazaro.

Mga Buhat 13:36

“Dili si David ang iyang gipasabot, tungod kay sa pagkahuman sa pagpangalagad ni David sa mga tawo sumala sa mga gipahimo sa Dios kaniya, namatay siya ug gilubong didto sa kilid sa gilubngan sa iyang mga katigulangan ug nadunot ang iyang lawas.

Mga Buhat 2:27

Kay nahibaloan ko nga dili mo ako pasagdan didto sa lubnganan. Dili mo itugot nga madunot ang matinumanon mong sulugoon.

2 Mga Taga-Corinto 2:16

Sa mga tawo nga nangawala, ang among gipakaylap nga kamatuoran sama sa baho sa patay nga nagdala ug kamatayon; apan sa mga tawo nga nangaluwas, sama kini sa pahumot sa mga buhi nga nagdala ug kinabuhi. Kinsa man kaha ang takos niini nga buluhaton?

Mga Taga-Filipos 3:21

Pag-abot niya dinhi, bag-ohon niya kining atong lawas nga adunay kamatayon aron mahisama sa iyang lawas nga langitnon, pinaagi sa iyang gahom nga makapahimo kaniya sa paghari sa tanan.