Juan 11:11 - Ang Pulong sa Dios

¹¹ Human niini miingon pa gayod si Jesus, “Ang atong higala nga si Lazaro natulog lang. Apan adtoon ko siya ug pukawon.”

Ang Biblia 2011

¹¹ Gisulti niya kining mga butanga ug unya miingon siya kanila, “Ang atong higala nga si Lazaro natulog apan moadto ako aron sa pagpukaw kaniya gikan sa pagkatulog.”

Maayong Balita Biblia

¹¹ Gisulti kini ni Jesus ug midugang pa gayod siya pag-ingon, “Ang atong higala nga si Lazaro natulog apan moadto ako aron pagpukaw kaniya.”

Ang Bag-ong Maayong Balita Biblia

¹¹ Gisulti kini ni Jesus ug midugang pa gayod siya pag-ingon, “Ang atong higala nga si Lazaro natulog apan moadto ako aron pagpukaw kaniya.”

Juan 11:11 Cross References

2 Mga Hari 4:31

Gauna si Gehazi ug gibutang niya ang sungkod sa nawong sa bata, apan wala gayod motingog o molihok ang bata. Busa mibalik si Gehazi sa pagtagbo kang Eliseo ug miingon, “Dili man momata ang bata.”

2 Cronicas 20:7

O among Dios, dili ba nga gipang-abog mo man ang mga lumulupyo niini nga yuta sa dihang miabot ang imong katawhan? Ug dili ba nga gihatag mo kini sa mga kaliwat ni Abraham nga imong higala aron ilang panag-iyahon, hangtod sa kahangtoran?

Exodo 33:11

Kon makigsulti ang Ginoo kang Moises, mag-atubangay gayod sila sama sa managhigala nga nagsultihanay. Pagkahuman niini mobalik si Moises sa kampo, apan ang iyang personal nga katabang nga batan-on nga si Josue, nga anak ni Nun, magpabilin sa Tolda.

Isaias 41:8

“Apan ikaw, Israel nga akong alagad ug pinili, nga ang imong katawhan mga kaliwat ni Abraham nga akong higala.

Daniel 12:2

Banhawon ang kadaghanan sa mga nangamatay. Ang uban kanila makadawat sa kinabuhing walay kataposan, apan ang uban makaangkon sa pagpanghimaraot ug kaulawan nga walay kataposan.

Mateo 27:52

bisan ang mga lubnganan nangaabli. Daghang patayng lawas sa katawhan sa Dios ang nangabanhaw.

Mateo 9:24

Busa miingon siya sa mga tawo, “Gawas una kamo! Dili patay ang bata kondili natulog lang.” Gikataw-an nila si Jesus.

Marcos 5:39

Misulod sila sa balay ug miingon siya sa mga tawo, “Nganong nagkaguliyang ug nanghilak man kamo? Wala mamatay ang bata, kondili natulog lang siya.”

Juan 11:10

Apan kon maglakaw siya kon gabii mapandol siya tungod kay ngitngit.”

Juan 11:12

Mitubag ang iyang mga tinun-an, “Ginoo, kon natulog siya, mamaayo pa siya.”

Juan 11:13

Abi nilag tinuod nga natulog lang si Lazaro, apan ang buot ipasabot ni Jesus nga patay na si Lazaro.

Juan 11:3

Busa nagpadala ang managsoon nga babaye ug mensahe kang Jesus nga nag-ingon, “Ginoo, ang imong hinigugmang higala nagsakit.”

Juan 3:29

Sama ba kon adunay kasal: ang pangasaw-onon alang lang gayod sa pamanhonon, ug ang higala sa pamanhonon nga nagtambong ug naghulat, malipay kon madungog niya nga anaa na ang pamanhonon. Sama pud kanako karon, nalipay gayod ako nga ang mga tawo nangadto na kang Jesus.

Mga Buhat 7:60

Ug miluhod siya ug misinggit sa kusog nga tingog, “Ginoo, ayaw sila paningla niining sala nga ilang gihimo.” Ug sa pagsulti niya niini, namatay siya.

1 Mga Taga-Corinto 15:18

Ug magkahulogan usab nga ang mga tumutuo ni Cristo nga nangamatay na, wala usab maluwas.

1 Mga Taga-Corinto 15:34

Pagtinarong na kamo ug biyai na ninyo ang pagpakasala. Gisulti ko kini kaninyo aron maulaw kamo kay ang uban kaninyo sayop ang pag-ila sa Dios.

1 Mga Taga-Corinto 15:51

Paminaw kamo kay sultihan ko kamo niini nga tinago: dili kitang tanan mamatay, apan tanan kita, ang atong lawas, bag-ohon sa Dios.

Mga Taga-Efeso 5:14

Kay mahayagan ang tanan kon madan-agan na sa kamatuoran. Busa adunay giingon: “Pagmata, ikaw nga natulog, bangon gikan sa mga patay, ug hayagan ka ni Cristo.”

Deuteronomio 31:16

Miingon ang Ginoo kang Moises, “Hapit ka nang mamatay ug makig-uban sa imong mga katigulangan. Kon wala ka na, kining mga tawhana mosimba sa ubang mga dios nga ginasimba sa mga tawo sa yuta nga ilang adtoan. Isalikway nila ako ug lapason nila ang kasabotan nga gihimo ko uban kanila.

1 Mga Taga-Tesalonica 5:10

Namatay siya alang kanato aron nga bisan kita buhi pa o patay na sa iyang pag-abot, mabuhi kita uban kaniya.

Santiago 2:23

Napamatud-an ang giingon sa Kasulatan, “Mituo si Abraham sa Dios, ug tungod sa iyang pagtuo, giisip siya sa Dios nga matarong.” Gitawag pa gani siya nga higala sa Dios.