Juan 10:34 - Ang Pulong sa Dios

³⁴ Miingon si Jesus kanila, “Dili ba nasulat man sa inyong Kasugoan nga miingon ang Dios nga kamo mga dios?

Ang Biblia 2011

³⁴ Mitubag si Jesus kanila, “Dili ba nasulat man kini sa inyong Balaod, ‘Ako nag-ingon, Mga dios kamo’?

Maayong Balita Biblia

³⁴ Si Jesus mitubag, “Nasulat sa inyong kaugalingong Balaod nga ang Dios miingon, ‘Mga dios kamo.’

Ang Bag-ong Maayong Balita Biblia

³⁴ Si Jesus mitubag, “Nasulat sa inyong kaugalingong Balaod nga ang Dios miingon, ‘Mga dios kamo.’

Juan 10:34 Cross References

Salmo 138:1

Magpasalamat ako kanimo, Ginoo, sa tibuok kong kasing-kasing. Mag-awit akog mga pagdayeg kanimo atubangan sa mga dios.

Salmo 82:1

Gipangulohan sa Dios ang panagtigom sa mga pangulo; ug gihukman niya sila.

Exodo 22:28

“Ayaw ninyo pasipalahi ang Dios ug ayaw ninyo panghimaraota ang inyong pangulo.

Exodo 4:16

Si Aaron ang mosulti sa mga tawo alang kanimo. Tudloan mo siya kon unsay iyang isulti, nga daw ikaw ang Dios.

Exodo 7:1

Miingon ang Ginoo kang Moises, “Paminaw! Himuon ka nako nga daw usa ka dios ngadto sa hari sa Ehipto. Makigsulti ka kaniya pinaagi kang Aaron nga imong igsoon.

Juan 10:35

Ug nahibaloan nato nga kung unsa ang nahisulat sa Kasulatan dili mahimong walaon. Busa kon miingon ang Dios nga mga dios ang mga tawo nga gihatagan sa iyang mensahe, nganong nag-ingon man kamo nga nagsulti ako batok sa Dios tungod kay miingon ako nga ako Anak sa Dios? Siya mismo ang nagpili ug nagpadala kanako dinhi sa kalibotan.

Juan 12:34

Mitubag ang mga tawo kaniya, “Sumala sa Kasugoan magkinabuhi ang Mesiyas sa walay kataposan. Busa nganong nag-ingon ka man nga ang Anak sa Tawo kinahanglan nga mamatay? Kinsa man gayod kanang Anak sa Tawo nga imong giingon?”

Juan 15:25

Sa ilang gibuhat natuman ang nasulat sa ilang Kasugoan nga nag-ingon, ‘Gikasilagan nila ako sa walay igong hinungdan.’ ”

Juan 8:17

Dili ba nasulat man sa inyong Kasugoan nga kon magkatukma ang gisulti sa duha ka tawo, ang ilang gisulti tinuod?

1 Mga Taga-Corinto 14:21

Nahisulat sa Kasugoan nga ang Ginoo nag-ingon: “Mosulti ako niining mga tawhana pinaagi sa nagkalain-lain nga mga pinulongan ug pinaagi sa mga taga-laing dapit, apan dili gayod sila maminaw kanako.”