Juan 10:13 - Ang Pulong sa Dios

¹³ Ang sinuholan mopalayo, tungod kay sinuholan man lang siya ug baliwala lang kaniya kon unsa ang mahitabo sa mga karnero.

Ang Biblia 2011

¹³ Siya molayas kay siya sinuholan man lamang ug walay bili kaniya ang mga karnero.

Maayong Balita Biblia

¹³ Ang sinuholan modagan ug dili magtagad sa mga karnero tungod kay sinuholan man lang siya.

Ang Bag-ong Maayong Balita Biblia

¹³ Ang sinuholan modagan ug dili magtagad sa mga karnero tungod kay sinuholan man lang siya.

Juan 10:13 Cross References

Juan 10:12

Dili siya sama sa tawo nga sinuholan lang nga magbantay. Kay ang sinuholan lang modagan kon aduna siyay makitang nag-abot nga lobo, ug biyaan lang niya ang mga karnero. Busa atakihon sa ihalas nga iro ang mga karnero ug magkatibulaag kini.

Juan 10:14

“Apan ako mao ang maayo nga magbalantay sa mga karnero. Ingon nga ako nailhan sa Amahan ug ako nakaila kaniya, nakaila pud ako sa akong mga karnero ug nakaila sila kanako. Ug ihatag ko ang akong kinabuhi alang kanila.

Juan 12:6

Gisulti niya kini, dili tungod kay naluoy siya sa mga kabos, kondili tungod kay kawatan siya. Siya mao ang nagkupot sa ilang kuwarta ug nagpangawkaw siya niini.

Mga Buhat 18:17

Pagkahuman, gidakop sa mga Griego si Sostenes nga pangulo sa sinagoga sa mga Judio ug gibunalan nila didto mismo sa atubangan sa korte, apan wala gayod magtagad niini si Galio.

1 Mga Taga-Corinto 7:32

Gusto ko unta nga malikay kamo sa mga kabalaka niining kalibotana. Ang walay asawa walay laing gikabalak-an kondili ang buluhaton sa Ginoo ug kon sa unsang pamaagi siya makahatag ug kalipay kaniya.

1 Mga Taga-Corinto 7:33

Apan ang lalaki nga adunay asawa nabalaka sa mga butang dinhi sa kalibotan kon unsaon niya paghatag ug kalipay sa iyang asawa.

Mga Taga-Filipos 2:20

Siya lang ang akong nasayran nga gahandom alang sa inyong kaayohan sama kanako.