Juan 1:32 - Ang Pulong sa Dios

³² Unya, nagpamatuod si Juan, “Nagpamatuod ako nga nakita ko ang Espiritu nga mikunsad kaniya gikan sa langit sama sa salampati ug nagpabilin diha kaniya.

Ang Biblia 2011

³² Ug si Juan nagpamatuod nga nag-ingon, “Nakita nako ang Espiritu nga mikunsad ingon ug salampati gikan sa langit, ug kini nagpabilin diha kaniya.

Maayong Balita Biblia

^32-33 Kini ang pamatuod ni Juan: “Wala ako makaila kon kinsa siya apan ang Dios nga nagsugo kanako aron pagbunyag pinaagi sa tubig, miingon kanako, ‘Makita mo ang Espiritu nga mokunsad ug magpabilin diha sa usa ka tawo. Siya mao ang magbunyag pinaagi sa Espiritu Santo.’ Unya nakita ko ang Espiritu nga mikunsad gikan sa langit sama sa pagtugdon sa usa ka salampati ug mipabilin kini kaniya.

Ang Bag-ong Maayong Balita Biblia

^32-33 Kini ang pamatuod ni Juan: “Wala ako makaila kon kinsa siya apan ang Dios nga nagsugo kanako aron pagbunyag pinaagi sa tubig, miingon kanako, ‘Makita mo ang Espiritu nga mokunsad ug magpabilin diha sa usa ka tawo. Siya mao ang magbunyag pinaagi sa Espiritu Santo.’ Unya nakita ko ang Espiritu nga mikunsad gikan sa langit sama sa pagtugdon sa usa ka salampati ug mipabilin kini kaniya.

Juan 1:32 Cross References

Isaias 11:2

Ang Espiritu sa Ginoo magagahom kaniya nga maghatag kaniyag kaalam, pagsabot, abilidad sa pagplano, gahom, kahibalo, ug pagtahod sa Ginoo.

Mateo 3:16

Sa dihang nabautismohan na si Jesus, mikaw-as siya sa tubig. Unya naabli ang langit ug nakita ni Jesus ang Espiritu sa Dios nga mikunsad kaniya nga daw samag dagway sa salampati.

Marcos 1:10

Pagkaw-as ni Jesus sa tubig, nakita dayon niya nga naabli ang langit, ug mikunsad kaniya ang Espiritu samag dagway sa salampati.

Lucas 3:22

ug mikunsad kaniya ang Espiritu Santo nga samag dagway sa salampati. Unya adunay tingog nga nadungog gikan sa langit nga nag-ingon, “Ikaw ang akong pinalanggang Anak. Nalipay gayod ako kanimo.”

Juan 1:31

Kaniadto bisan gani ako wala makaila kon kinsa gayod siya. Apan mianhi ako dinhi nga nagbautismo pinaagi sa tubig aron ipaila siya sa mga taga-Israel.”

Juan 1:7

Gipadala siya aron sa pagpamatuod kon kinsa ang suga, aron pinaagi sa iyang pagsugilon makatuo ang tanang katawhan.

Juan 5:32

Apan adunay usa nga nagpamatuod mahitungod kanako, ug nasayod ako nga ang iyang gisulti kasaligan.