Josue 9:9 - Ang Pulong sa Dios

⁹ Mitubag sila, “Gikan kami sa layo kaayong dapit. Mianhi kami dinhi kay nakadungog kami bahin sa Ginoo nga inyong Dios. Nadungog namo ang tanang gihimo niya sa Ehipto,

Ang Biblia 2011

⁹ Ug sila miingon kaniya, “Gikan sa layo kaayong dapit, ang imong mga ulipon nanganhi tungod sa ngalan sa Ginoo nga imong Dios, kay nakadungog kami ug mga balita mahitungod kaniya ug sa tanan nga iyang gibuhat sa Ehipto

Maayong Balita Biblia

⁹ Mitubag sila, “Gikan kami sa layo kaayong dapit ug mianhi kami kay nakabalita man kami mahitungod sa Ginoo nga inyong Dios. Nakabalita kami sa tanan niyang gibuhat didto sa Ehipto

Ang Bag-ong Maayong Balita Biblia

⁹ Mitubag sila, “Gikan kami sa layo kaayong dapit ug mianhi kami kay nakabalita man kami mahitungod sa Ginoo nga inyong Dios. Nakabalita kami sa tanan niyang gibuhat didto sa Ehipto

Josue 9:9 Cross References

1 Mga Hari 8:41

“Kon ang mga langyaw nga nagpuyo sa layong dapit makadungog sa imong kabantog ug pagkagamhanan, ug moanhi sila dinhi sa pagsimba kanimo ug mag-ampo sila nga nag-atubang niini nga Templo,

Nehemias 9:5

Unya ang mga Levita nga sila Jeshua, Kadmiel, Bani, Hashabnea, Sherebia, Hodia, Shebania, ug Petahia miingon, “Tindog kamo ug dayega ang Ginoo nga inyong Dios sa walay kataposan!” Unya miingon sila: “O Ginoo, dalaygon ang imong pagkagamhanan! Dili kini matupngan sa among mga pagdayeg.

Salmo 148:13

Modayeg silang tanan sa Ginoo, kay labaw siya sa tanan. Mas gamhanan siya kay sa tanang anaa sa kalibotan ug kalangitan.

Salmo 72:19

Dalaygon ang iyang pagkagamhanan sa walay kataposan. Makita sa mga tawo sa tibuok kalibotan ang iyang pagkagamhanan. Amen! Amen!

Salmo 78:12

Naghimo ang Dios ug milagro didto sa Zoan, sa yuta sa Ehipto ug nakita kini sa atong mga katigulangan.

Salmo 83:18

Hinaut pa nga makaamgo sila nga ikaw, Ginoo, mao lang ang Labing Halangdong Dios sa tibuok kalibotan.

Exodo 15:14

Madunggan kini sa mga nasod ug magkurog sila sa kahadlok. Makulbaan gayod ang mga Filistihanon.

Exodo 9:16

Apan gitugotan ka nako nga mabuhi aron makita mo ang akong gahom ug aron mabantog ang akong ngalan sa tibuok kalibotan.

Isaias 55:5

Tawgon ninyo ang mga nasod nga wala ninyo mailhi, ug magdali-dali sila pag-anha kaninyo. Kay ako, ang  Ginoo nga inyong Dios, ang Balaan nga Dios sa Israel, nagpasidungog kaninyo.”

Isaias 66:19

“Magpakita akog ilhanan kanila. Ug ang makalingkawas kanila ipadala ko ingon nga mga mensahero ngadto sa kanasoran sa Tarshish, Pul, Lud (kansang katawhan nabantog nga mga mamamana), Tubal, Grecia, ug sa mga isla nga layo, nga wala makadungog sa akong kabantog ug wala makakita sa akong gahom. Imantala nila ang akong gahom ngadto sa mga nasod.

Numeros 14:15

Karon, kon hutdon mo ug pamatay kini nga katawhan, ang mga nasod nga nakadungog sa imong kabantog moingon,

Numeros 20:14

Sa didto pa ang mga Israelinhon sa Kadesh, nagpadala si Moises ug mga mensahero ngadto sa hari sa Edom uban sa mensahe nga nag-ingon: “Kini nga mensahe gikan sa imong mga paryente, ang katawhan sa Israel: Nahibalo ka sa tanang pag-antos nga among naagian.

Mga Buhat 8:7

Daghang mga tawo nga gisudlan ug mga daotang espiritu ang giayo niya. Misinggit sa makusog nga tingog ang mga daotang espiritu samtang nanggawas sila sa mga tawo. Daghan usab ang mga paralitiko ug mga bakol nga nangaayo.

Deuteronomio 20:11

Kon makighusay sila ug ablihan nila alang kaninyo ang ganghaan sa ilang lungsod, himuon ninyo silang mga ulipon.

Deuteronomio 20:15

Himuon lang ninyo kini ngadto sa mga lungsod nga layo kaayo ug dili bahin sa yuta nga panag-iyahan ninyo.

Josue 9:10

ug ang tanang gihimo niya sa duha ka mga hari nga Amorihanon sa sidlakan sa Jordan nga sila si Sihon nga hari sa Hesbon, ug si Og nga hari sa Basan nga nagpuyo sa Ashtarot.

Josue 9:16

Paglabay sa tulo ka adlaw human mahimo ang kasabotan, nadunggan sa mga Israelinhon nga duol lang diay kanila ang gipuy-an niadtong mga tawhana.

Josue 9:17

Busa nanglakaw ang mga Israelinhon, ug sa ikatulo ka adlaw miabot sila sa mga lungsod nga gipuy-an niadtong mga tawhana. Kini nga mga lungsod mao ang Gibeon, Kefira, Beerot, ug Kiriat-Jearim.

Josue 9:24

Mitubag sila kang Josue, “Gihimo namo kini tungod kay nahadlok kami basin patyon ninyo kami. Kay nasayran gayod namo nga gisugo sa Ginoo nga imong Dios si Moises nga iyang alagad nga ihatag kaninyo kining mga yutaa ug pamatyon ang tanan nga nagpuyo dinhi.