Josue 8:3 - Ang Pulong sa Dios

³ Busa nangandam si Josue ug ang tanan niyang mga sundalo sa pagsulong sa Ai. Nagpili si Josue ug 30,000 ka mga sundalo nga hanas gayod sa pagpakig-gira, ug gipalakaw sila sa gabii.

Ang Biblia 2011

³ Busa si Josue mitindog ug ang tanang tawo nga manggugubat aron moadto sa Ai. Ug nagpili si Josue ug 30,000 ka kusgan ug isog nga mga tawo ug iyang gipalakaw sila sa pagkagabii.

Maayong Balita Biblia

³ Busa nangandam si Josue aron pagsulong sa Ai. Nagpili siyag 30,000 ka isog nga mga tawo ug gipaadto sila pagkagabii

Ang Bag-ong Maayong Balita Biblia

³ Busa nangandam si Josue aron pagsulong sa Ai. Nagpili siyag 30,000 ka isog nga mga tawo ug gipaadto sila pagkagabii

Josue 8:3 Cross References

Exodo 17:9

Miingon si Moises kang Josue, “Pagpili ug mga tawo nga makig-gira sa mga Amalekanhon. Mobarog ako ugma ibabaw sa bungtod nga dala kadtong baston nga gisugo sa Dios nga kanunay kong dal-on.”

Mateo 24:39

Wala gayod sila masayod kon unsa ang mahitabo hangtod nga milunop ug nalumos silang tanan. Ingon usab niini ang mahitabo kon ang Anak sa Tawo moabot na.

Mateo 24:50

Moabot ang iyang agalon sa oras nga wala gayod niya damha,

Mateo 25:6

“Sa tungang gabii na adunay misinggit, ‘Ania na ang pamanhonon! Dali kamo, sugata ninyo siya.’

1 Mga Taga-Tesalonica 5:2

Kay nasayod na kamo nga ang pagbalik sa Ginoo mahisama sa pag-abot sa kawatan panahon sa kagabhion nga walay masayod kon kanus-a.

Josue 10:7

Busa milakaw si Josue gikan sa Gilgal uban ang tanan niyang mga sundalo, apil ang tanang hanas kaayo sa pagpakig-gira.

Josue 8:2

Himoa ninyo ngadto sa Ai ug sa hari niini ang inyong gihimo sa Jerico ug sa hari niini; apan niining higayona, mahimo na ninyong kuhaon ang ilang mga kabtangan ug mga kahayopan alang sa inyong kaugalingon. Pangandam kamo ug sulonga ninyo sila agi sa luyo nga bahin sa lungsod.”

Josue 8:4

Gimandoan niya sila niini, “Panago kamo sa luyo nga bahin sa lungsod, apan ayaw kamo pagpalayo kaayo. Pangandam kamo sa pagsulong bisan unsang orasa.

2 Pedro 3:10

Mobalik gayod ang Ginoo, ug kanang adlawa moabot sama sa pag-abot sa kawatan nga dili mo masayran kon kanus-a. Madunggan dayon nga naay magdahunog, ug mawala ang langit. Masunog ang yuta, ug ang tanan nga anaa sa yuta mawala.

Mga Maghuhukom 9:32

Busa karong gabii, kuyoga ang imong mga tawo ug panago una kamo sa kaumahan sa gawas sa lungsod.