Josue 7:9 - Ang Pulong sa Dios

⁹ Kon mabalitaan kini sa mga Canaanhon ug sa uban pa nga taga-dinhi, libotan kami nila ug pamatyon. Unsa may imong buhaton sa pagpanalipod sa imong dungog?”

Ang Biblia 2011

⁹ Kay ang mga Canaanhon ug ang tanang mga nagpuyo sa yuta makadungog niini ug maglibot unya kanamo ug papason ang among ngalan gikan sa yuta. Ug unsa na may imong buhaton sa imong gamhanan nga ngalan?”

Maayong Balita Biblia

⁹ Siguro gayod nga makabalita ang mga Canaanhon ug ang tanang lumolupyo niining yutaa. Unya libotan kami nila ug pamatyon! Ug unsa may buhaton mo sa pagpanalipod sa imong kadungganan?”

Ang Bag-ong Maayong Balita Biblia

⁹ Siguro gayod nga makabalita ang mga Canaanhon ug ang tanang lumolupyo niining yutaa. Unya libotan kami nila ug pamatyon! Ug unsa may buhaton mo sa pagpanalipod sa imong kadungganan?”

Josue 7:9 Cross References

Salmo 115:1

Dili kami ang angay pasidunggan, Ginoo, kondili ikaw, tungod sa imong gugma ug pagkamatinumanon.

Salmo 48:10

Bantogan ka ug gidayeg sa mga tawo sa tibuok kalibotan, tungod kay nagmadaogon ka pinaagi sa imong gahom.

Salmo 79:9

Tabangi kami, O Dios nga among manluluwas, aron madayeg ang imong ngalan. Luwasa kami ug pasayloa sa among mga sala aron ikaw mapasidunggan.

Salmo 83:4

Miingon sila, “Dali kamo! Laglagon ta ang nasod sa Israel aron dili na kini mahinumdoman hangtod sa kahangtoran.”

Salmo 83:5

Nagkauyon sila sa ilang daotang plano. Naghimo silag kasabotan batok kanimo.

Exodo 32:12

Unsa na lay ikasulti sa mga Ehiptohanon? Nga gikuha mo ang imong katawhan sa Ehipto aron lang patyon sa kabukiran ug mawala sa kalibotan? O Ginoo, ayaw na ipadayon ang imong hilabihang kasuko kanila, ug ayaw sila laglaga.

Ezequiel 20:9

Apan wala ko kini himoa kay gipanalipdan ko ang akong ngalan aron dili kini panamastamasan sa mga nasod sa palibot sa Israel nga nakahibalo nga nagpadayag ako ngadto sa mga Israelinhon nga pagawason ko sila gikan sa Ehipto.

Joel 2:17

Ang mga pari nga nag-alagad sa Ginoo pahilaka taliwala sa halaran ug sa balkonahe sa Templo. Paampoa sila ug sama niini: “Ginoo, kaloy-i ang imong katawhan nga imong gipanag-iya. Ayaw tugoti nga pakaulawan sila ug tamayon sa ubang mga nasod pinaagi sa pag-ingon, ‘Asa na ba ang inyong Dios?’ ”

Miqueas 7:10

Makita kini sa atong mga kaaway ug maulawan sila. Kay gibiay-biay nila kita kaniadto nga nag-ingon, “Asa na ang  Ginoo nga inyong Dios?” Sa dili madugay makita nato ang ilang pagkalaglag. Mahisama sila sa lapok nga gitunob-tunoban diha sa mga karsada.

Numeros 14:13

Miingon si Moises sa Ginoo, “Unsa na lay ikasulti sa mga Ehiptohanon kon mabalitaan nila kini? Dili ba nahibaloan man nila nga gikuha mo ang mga Israelinhon kanila pinaagi sa imong gahom.

Juan 12:28

Miingon dayon si Jesus sa Amahan, “Amahan, himayaa ang imong ngalan!” Ug dayon adunay tingog gikan sa langit nga nag-ingon, “Gihimaya ko na ang akong ngalan pinaagi kanimo, ug himayaon ko pa pag-usab.”

Deuteronomio 9:28

Kon laglagon mo sila, moingon ang mga Ehiptohanon, “Gilaglag sila sa Ginoo kay dili siya makahimo sa pagdala kanila ngadto sa yuta nga iyang gisaad kanila.” O moingon sila, “Gilaglag sila sa Ginoo tungod kay napungot siya kanila; gipagawas niya sila sa Ehipto ug gidala sa kamingawan aron pamatyon.”

Josue 7:10

Miingon ang Ginoo kang Josue, “Tindog! Nganong naghapa ka man?

Josue 7:8

O Ginoo, unsa na may akong isulti karon nga misibog man ang mga Israelinhon sa ilang mga kaaway?

1 Samuel 12:22

Dili gayod kamo isalikway sa Ginoo, kay dili siya buot nga maulawan ang iyang ngalan. Nalipay kaayo ang Ginoo sa paghimo kaninyo nga iyang katawhan.