Josue 7:2 - Ang Pulong sa Dios

² Gikan sa Jerico nagsugo si Josue ug mga tawo nga mangispiya sa Ai, usa ka lungsod sa sidlakang bahin sa Betel, nga duol sa Bet Aven. Busa nanglakaw ang maong mga tawo sa pagpangispiya.

Ang Biblia 2011

² Si Josue nagpadala ug mga tawo gikan sa Jerico ngadto sa Ai nga duol sa Bet-aven, dapit sa silangan sa Betel ug miingon kanila, “Pangadto kamo ug panid-i ang yuta.” Ug ang katawhan nangadto ug naniid sa Ai.

Maayong Balita Biblia

² Nagpadala si Josue ug mga tawo gikan sa Jerico ngadto sa Ai, usa ka siyudad sa silangan sa Betel nga duol sa Bet-aben. Iya silang gipaadto aron pagsusi sa yuta. Busa nangadto sila ug naniid sa Ai.

Ang Bag-ong Maayong Balita Biblia

² Nagpadala si Josue ug mga tawo gikan sa Jerico ngadto sa Ai, usa ka siyudad sa silangan sa Betel nga duol sa Bet-aben. Iya silang gipaadto aron pagsusi sa yuta. Busa nangadto sila ug naniid sa Ai.

Josue 7:2 Cross References

Genesis 12:8

Gikan didto, mibalhin sila sa kabungtoran sa sidlakang bahin sa Betel, ug didto nagpatindog sila ug tolda, ang Betel anaa sa kasadpan ug ang Ai sa sidlakan. Nagbuhat usab didto si Abram ug halaran alang sa Ginooug misimba sa Ginoo.

Genesis 28:19

Ginganlan ni Jacob kadtong dapita ug Betel. Apan kaniadto Luz ang ngalan niadto nga dapit.

1 Mga Hari 12:29

Ang usa ka bulawan nga baka gipabutang niya sa Betel ug ang usa sa Dan.

Nehemias 11:31

Ang mga katawhan sa Benjamin namuyo sa Geba, Mikmas, Aya, Betel, ug sa mga baryo sa palibot niini,

Mga Panultihon 20:18

Pangayog tambag kabahin sa imong mga plano o sa dili ka pa moadto sa gira.

Mga Panultihon 24:6

kay kinahanglan ang ilang mga tambag sa pagpakig-gira. Ug mas dako ang tsansa nga modaog kon daghan ang magtatambag.

Isaias 10:28

Gisulong sa mga taga-Asiria ang Ayat. Didto sila nangagi sa Migron ug gibilin nila sa Mikmas ang ilang mga dala.

Jeremias 49:3

Panghilak kamo taman sa ginhawa, kamong taga-Hesbon, kay napukan na ang Ai. Panghilak usab kamo nga taga-Raba! Pagbisti kamog sako, pagbangotan, ug dagan kamo ngadto-nganhi sa kilid sa mga paril, kay bihagon ang inyong dios-dios nga si Molec uban sa iyang mga pari ug mga opisyal.

Oseas 4:15

“Mga taga-Israel, bisan gitalikdan ninyo ako sama sa usa ka babayeng maluibon, ayaw ninyo i-angin ang mga taga-Juda. “Ug kamong mga taga-Juda, ayaw kamo pag-adto sa Gilgal ug sa Bet Aven aron sa pagsimba kanako o paghimo ug panaad sa akong ngalan.

Mateo 10:16

“Timan-i ninyo kini! Sama kamo sa mga karnero nga akong gipaadto sa mabangis nga mga mananap. Busa pagmaigmat kamo sama sa mga bitin, ug pagmalumo kamo sama sa mga salampati.

Mga Taga-Efeso 5:15

Busa pagmatngon kamo sa inyong pagkinabuhi. Ayaw kamo pagkinabuhi sama sa mga wala makasabot, kondili pagkinabuhi kamo isip mga tawo nga nakasabot sa kabubut-on sa Dios.

Josue 12:9

hari sa Jerico, hari sa Ai (duol sa Betel),

Josue 18:12

Ang utlanan niini sa amihan naggikan sa Suba sa Jordan, ug mipatungas sa amihan nga bahin sa Jerico. Dayon patungas ngadto sa mga bukid sa kasadpan hangtod sa kamingawan sa Bet Aven.

Josue 2:1

Unya, sekreto nga nagpadala si Josue ug duha ka tawo gikan sa kampo sa mga Israelinhon sa Shitim aron sa pagpangispiya didto sa yuta sa Canaan, ilabina gayod sa lungsod sa Jerico. Sa dihang nakaabot sa Jerico ang duha ka espiya, didto sila midayon sa balay ni Rahab nga usa ka babayeng nagbaligya sa iyang dungog.

Josue 7:3

Pagbalik nila, miingon sila kang Josue, “Dili na kinahanglang mosulong kitang tanan sa Ai, kay gamay lang ang mga lumulupyo niini. Pagpadala lang ug 2,000 o 3,000 ka mga tawo sa pagsulong niini.”

1 Samuel 13:5

Nagtigom ang mga Filistihanon aron sa pagpakig-gira sa mga Israelinhon. Adunay 3,000 sila ka mga karwahi, 6,000 ka mga tigkabayo, ug labihan kadaghang mga sundalo, nga daw sa balas sa baybayon. Nangadto sila sa Mikmas, sa sidlakan sa Bet Aven, ug didto nagkampo.

1 Samuel 14:23

Milapas pa sa Bet Aven ang gira. Ug niadtong higayona, gipadaog sa Ginoo ang mga Israelinhon.

1 Samuel 30:27

Ang gipadad-an niya mao ang mga tigdumala sa mosunod nga mga lungsod: Betel, Ramot Negev, Jatir,