Josue 5:1 - Ang Pulong sa Dios

¹ Nabalitaan sa tanang mga hari nga Amorihanon sa kasadpan sa Jordan ug sa tanang mga hari nga Canaanhon sa kabaybayonan sa Dagat sa Mediteraneo kon giunsa pagpamala sa Ginoo ang Suba sa Jordan sa dihang mitabok ang mga Israelinhon. Busa nahadlok sila ug nawad-ag kaisog sa pagpakig-gira sa mga Israelinhon.

Ang Biblia 2011

¹ Sa diha nga ang mga hari sa mga Amorihanon nga didto sa tabok sa Jordan dapit sa kasadpan ug ang tanang hari sa mga Canaanhon nga didto duol sa dagat nakadungog nga gipahubas sa Ginoo ang katubigan sa Jordan alang sa katawhan sa Israel hangtod nga sila nakatabok na, ang ilang mga kasingkasing nangatunaw ug wala nay bisan unsang espiritu diha kanila tungod sa katawhan sa Israel.

Maayong Balita Biblia

¹ Ang tanang mga hari nga Amorihanon sa kasadpang bahin sa Jordan ug ang tanang mga hari nga Canaanhon nga didto daplin sa Dagat sa Mediteraneo nakabalita nga gipahubas sa Ginoo ang Jordan samtang nanabok niini ang katawhan sa Israel. Nangahadlok sila ug mitalaw sa mga Israelita.

Ang Bag-ong Maayong Balita Biblia

¹ Ang tanang mga hari nga Amorihanon sa kasadpang bahin sa Jordan ug ang tanang mga hari nga Canaanhon nga didto daplin sa Dagat sa Mediteraneo nakabalita nga gipahubas sa Ginoo ang Jordan samtang nanabok niini ang katawhan sa Israel. Nangahadlok sila ug mitalaw sa mga Israelita.

Josue 5:1 Cross References

Genesis 12:6

Pag-abot nila sa Canaan, mipadayon sila hangtod nga nakaabot sila sa kahoy nga tugas sa More didto sa Sekem. (Niadtong panahona didto pa nagpuyo ang mga Canaanhon.)

Genesis 48:22

Ug ikaw Jose ang manunod sa Sekem ug dili ang imong mga igsoon. Kanang dapita naangkon ko pinaagi sa akong pagpakig-gira sa mga Amorihanon.”

2 Samuel 21:2

Kining mga Gibeohanon dili mga Israelinhon; sila ang nahibiling mga kaliwat sa mga Amorihanon. Nanumpa ang mga Israelinhon nga dili nila sila pamatyon, apan nagtinguha si Saulo sa paglaglag kanila tungod sa iyang dakong kabalaka alang sa Israel ug Juda. Gipatawag ni David ang mga Gibeohanon

1 Mga Hari 10:5

dili siya makatuo. Mao usab sa dihang nakita niya ang pagkaon sa lamisa sa hari, ang pagdumala sa iyang mga opisyal, ang pag-alagad sa iyang mga sulugoon nga adunay nindot nga mga uniporme, ang mga tigsilbi sa iyang ilimnon, ug ang mga halad nga sinunog nga iyang gihalad sa Templo sa Ginoo.

Esdras 9:1

Pagkahuman niini nga hitabo, miadto kanako ang mga pangulo sa mga Judio ug miingon, “Daghan sa katawhan sa Israel, apil na mga pari ug mga Levita, ang nagkinabuhi sama sa mga katawhan sa ilang palibot. Gihimo nila ang mga malaw-ay nga mga buluhaton sa mga Canaanhon, Hitihanon, Perisihanon, Jebusihanon, Amonihanon, Moabihanon, Ehiptohanon, ug Amorihanon.

Salmo 135:11

sama kang Sihon nga hari sa mga Amorihanon, kang Og nga hari sa Basan, ug ang tanang mga hari sa Canaan.

Exodo 23:28

Magpadala akog mga tamboboan nga mag-una kaninyo, ug abugon nila ang mga Hibihanon, Canaanhon, ug mga Hitihanon.

Isaias 41:5

Nakita sa mga tawo sa mga isla ang akong binuhatan ug nangahadlok sila. Hangtod ang mga tawo sa layong mga dapit nagkurog sa kahadlok. Nagtigom sila,

Ezequiel 16:3

Ingna siya nga ako, ang Ginoong Dios nag-ingon, kaniya: Usa ikaw ka Canaanhon! Ang imo nga amahan usa ka Amorihanon, ug ang imo nga inahan usa ka Hitihanon.

Ezequiel 21:7

Kon mangutana sila kon nganong nag-agulo ka, ingna sila nga tungod kini sa balita nga makapakurog, makapaluya, makapalisang, ug makapalipong kanila. Mahitabo gayod kini nga mga butanga sa dili madugay. Ako, ang Ginoong Dios, ang nag-ingon niini.”

Daniel 5:6

Nangurog ug nangluspad ang hari sa tumang kahadlok.

Amos 2:9

“Apan bisan pa niini, gilaglag ko gihapon ang mga Amorihanon alang kanila nga mga Israelinhon. Tag-as nga mga tawo ang mga Amorihanon (daw mga kahoyng sedro) ug lig-on nga daw mga kahoyng terebinto. Gipanglaglag ko sila hangtod nga wala nay nabilin kanila.

Numeros 13:29

Ang mga Amalekanhon nagpuyo sa Negev; ang mga Hitihanon, mga Jebusihanon, ug ang mga Amorihanon nagpuyo sa bukid; ug ang mga Canaanhon nagpuyo duol sa dagat ug sa daplin sa Walog sa Jordan.”

Josue 17:12

Apan kining mga lungsora wala mapuy-i sa mga kaliwat ni Manases, kay dili nila maabog ang mga Canaanhon didto.

Josue 17:18

mainyo usab ang kalasangan sa kabukiran. Bisan kalasangan kini, hawani lang ninyo, kay mainyo ang kinatibuk-an niini. Ug bahin sa mga Canaanhon, sigurado nga maabog ninyo sila bisan pag gamhanan sila ug adunay mga karwahi nga puthaw.”

Josue 24:15

Apan kon dili ninyo ikalipay ang pag-alagad sa Ginoo, pagpili kamo karong adlawa kon kinsa ang inyong alagaron, ang mga dios nga gialagad sa inyong mga katigulangan sa tabok sa Suba sa Eufrates, o ang mga dios sa mga Amorihanon kansang yuta inyong gipuy-an karon. Apan ako ug ang akong pamilya moalagad sa Ginoo.”

Josue 3:16

mihunong dayon ang pagdagayday sa tubig. Mipundo ang tubig sa usa ka dapit nga gitawag ug Adam, usa ka lungsod duol sa Zaretan. Wala nay tubig nga nagdagayday paingon sa Patay nga Dagat, busa nakatabok ang mga tawo sa dapit nga duol sa Jerico.

Josue 3:17

Nagtindog taliwala sa mamalang suba sa Jordan ang mga pari nga nagdayong sa Sudlanan sa Kasabotan sa Ginoo, hangtod nga nakatabok ang tanang katawhan.

Gipadayag 18:10

Magtindog ra sila sa layo nga maglantaw tungod kay mahadlok sila nga maapil sa silot nga alang kaniya. Moingon sila, “ ‘Pagka-anugon! Pagka-anugon sa inila ug gamhanan nga siyudad sa Babilonia. Kay sa hamubo ra nga panahon nasilotan siya!’

Mga Maghuhukom 1:1

Human mamatay si Josue, nangutana ang mga Israelinhon sa Ginoo kon kinsang tribo ang unang makig-away sa mga Canaanhon.

Mga Maghuhukom 11:23

“Ang Ginoo, nga Dios sa Israel, mao ang nag-abog sa mga Amorihanon aron ihatag ang kayutaan ngadto sa mga Israelinhon. Apan karon buot ninyo kining kuhaon?

Mga Maghuhukom 3:3

Mao kini ang mga katawhan nga gipangbilin sa Ginoo: ang mga lumulupyo sa lima ka lungsod sa mga Filistihanon, ang tanang mga Canaanhon, ang mga Sidonhon, ug ang mga Hibihanon nga nagpuyo sa mga bukid sa Lebanon, gikan sa Bukid sa Baal Hermon hangtod sa Lebo Hamat.

Mga Maghuhukom 4:2

Busa gipasakop sila sa Ginoo kang Jabin nga hari sa Hazor, nga usa ka hari sa mga Canaanhon. Ang komander sa kasundalohan ni Jabin mao si Sisera nga nagpuyo sa Haroshet Hagoyim.

1 Samuel 25:37

Sa dihang nahuwasan na siya pagkabuntag, gisuginlan siya ni Abigail sa nahitabo. Giataki siya sa sakit sa kasing-kasing ug wala na siya makalihok.