Josue 4:6 - Ang Pulong sa Dios

⁶ Ug unya tapokon ninyo kini aron mapormag monumento isip handomanan sa gihimo sa Ginoo. Sa umaabot nga panahon, kon mangutana ang inyong mga anak unsay kahulogan niini nga mga bato,

Ang Biblia 2011

⁶ aron kini mahimong ilhanan diha kaninyo dihang mangutana unya ang inyong mga anak sa umaabot nga panahon, ‘Unsay kahulogan niining mga batoha?’

Maayong Balita Biblia

⁶ Kining mga batoha maoy magpahinumdom sa katawhan sa gibuhat sa Ginoo. Kon sa umaabot nga panahon mangutana ang inyong mga anak unsay kahulogan niining mga batoha alang kaninyo,

Ang Bag-ong Maayong Balita Biblia

⁶ Kining mga batoha maoy magpahinumdom sa katawhan sa gibuhat sa Ginoo. Kon sa umaabot nga panahon mangutana ang inyong mga anak unsay kahulogan niining mga batoha alang kaninyo,

Josue 4:6 Cross References

Salmo 44:1

O Dios, gisuginlan kami sa among mga katigulangan mahitungod sa gipanghimo mo sa ilang panahon, sa dugay nang panahon.

Salmo 71:18

Ug kon tigulang na ako ug ubanon, ayaw ako pasagdi, O Dios, hangtod nga ikasugilon ko ang imong gahom ug kusog sa umaabot nga mga henerasyon.

Exodo 12:14

“Kinahanglan hinumdoman ninyo kana nga adlaw sa tanang panahon. Sauloga ninyo kana kada tuig ingon nga pista sa pagpasidungog alang sa Ginoo hangtod sa umaabot nga mga henerasyon. Himoon kini nga tulomanon hangtod sa kahangtoran.

Exodo 13:14

“Kon sa umaabot nga panahon mangutana ang inyong mga anak kon unsay kahulogan niini, ingna sila nga, ‘Pinaagi sa gahom sa Ginoo gipagawas niya kami gikan sa Ehipto diin kami naulipon.

Exodo 13:9

Kini nga pista mahisama sa usa ka timaan diha sa inyong mga kamot o sa inyong mga agtang nga mopahinumdom kaninyo nga kinahanglan ninyong isulti ang mga katudloan sa Ginoo, kay gipagawas niya kamo gikan sa Ehipto pinaagi sa iyang gahom.

Exodo 31:13

nga isulti kini ngadto sa mga Israelinhon, “Kinahanglan tumanon gayod ninyo ang akong mga gipahimo kaninyo mahitungod sa Adlaw nga Igpapahulay, kay timailhan kini sa atong kasabotan hangtod sa umaabot nga mga henerasyon. Niining paagiha mahibaloan ninyo nga ako mao ang Ginoo nga nagpili kaninyo nga mahimong akong katawhan.

Isaias 38:19

Ang mga buhi lang ang makadayeg kanimo sama sa akong ginahimo karon. Ang matag henerasyon magsugilon sa mosunod nga henerasyon sa imong pagkamatinumanon.

Isaias 55:13

Manurok ang kahoyng sipres ug mirto ilis sa mga sampinit. Kining hitaboa maghatag ug pasidungog kanako; mahimo kining timailhan sa akong pagkagamhanan hangtod sa kahangtoran.”

Ezequiel 20:12

Gipatuman ko usab kanila ang Adlaw nga Igpapahulay ingon nga ilhanan sa amo nga kasabotan. Kini magpahinumdom kanila nga ako, ang  Ginoo, nagpili kanila nga mahimo nga akong katawhan.

Ezequiel 20:20

Pakabalaana ninyo ang Adlaw nga Igpapahulay kay kini ilhanan sa atong kasabotan, ug kini magpahinumdom kaninyo nga ako mao ang  Ginoo nga inyong Dios.’

Numeros 16:38

Bahin sa mga sudlanan nga gikan niining mga tawo nga nangamatay tungod sa ilang mga sala, ipapipi kini hangtod pwede na itaklap sa halaran, kay gihalad kini ngadto sa Ginoo ug nahimo kining balaan. Kini nga taklap sa halaran mahimong usa ka pasidaan alang sa mga Israelinhon.”

Mga Buhat 2:39

Tungod kay kini gisaad alang kaninyo ug sa inyong mga kaanakan ug sa tanang mga tawo nga tua sa layo, sa tanan nga tawgon sa Ginoo nga atong Dios nga moduol kaniya.”

Deuteronomio 11:19

Itudlo kini sa inyong mga kabataan. Hisgoti ninyo kini kon anaa kamo sa inyong mga balay ug kon naglakaw kamo, kon naghigda kamo ug kon mobangon kamo.

Josue 22:27

kondili, aron mahimo kining timailhan nga mopahinumdom kanamo, kaninyo, ug sa atong umaabot nga mga kaliwat nga ginasimba usab namo ang Ginoo pinaagi sa mga halad nga sinunog, halad alang sa maayong relasyon, ug uban pang mga halad, didto sa iyang balaang puloy-anan. Niining paagiha dili makaingon ang inyong mga kaliwat sa among mga kaliwat nga kini sila walay labot sa Ginoo.

Josue 4:21

Miingon si Josue sa mga Israelinhon, “Sa umaabot nga panahon, kon mangutana ang inyong mga anak kaninyo unsay kahulogan niining mga batoha,

Josue 4:5

“Adto kamo taliwala sa suba, atubangan sa nahimutangan sa Sudlanan sa Kasabotan sa Ginoo nga inyong Dios. Ang matag-usa kaninyo magkuha ug tagsa ka bato nga inyong pas-anon, usa alang sa matag tribo sa Israel.