Josue 3:6 - Ang Pulong sa Dios

⁶ Giingnan usab ni Josue ang mga pari, “Dad-a na ninyo ang Sudlanan sa Kasabotan ug mag-una kamo sa mga tawo.” Gituman nila ang giingon ni Josue.

Ang Biblia 2011

⁶ Ug si Josue miingon sa mga pari, “Kuhaa ang sudlanan sa kasabotan ug agi kamo sa atubangan sa katawhan.” Ug gidala nila ang sudlanan sa kasabotan ug nag-una sila sa katawhan.

Maayong Balita Biblia

⁶ Unya miingon si Josue sa mga pari, “Dad-a ang Sudlanan sa Kasabotan ug pag-una sa katawhan.” Ug gituman nila ang giingon niya.

Ang Bag-ong Maayong Balita Biblia

⁶ Unya miingon si Josue sa mga pari, “Dad-a ang Sudlanan sa Kasabotan ug pag-una sa katawhan.” Ug gituman nila ang giingon niya.

Josue 3:6 Cross References

1 Mga Hari 8:3

Sa dihang nagkatigom na ang tanang tigdumala sa Israel, gikuha sa mga pari ug sa mga Levita ang Sudlanan sa Ginoo, apil ang Tolda nga Tagboanan ug ang sagrado nga mga kagamitan niini, ug gidala kining tanan patungas sa Templo.

2 Cronicas 5:4

Sa dihang nagkatigom na ang tanang tigdumala sa Israel, gikuha sa mga pari ug mga Levita ang Sudlanan, apil ang Tolda nga Tagboanan ug ang sagrado nga mga kagamitan niini, ug gidala kining tanan sa Templo.

Miqueas 2:13

Ablihan ko ang pultahan sa siyudad diin kamo gibihag, ug pangulohan ko kamo sa paggawas. Ako, ang  Ginoo nga inyong hari, maoy mangulo kaninyo.”

Numeros 10:33

Busa namiya sila sa bukid sa Ginoo ug nanglakaw ug tulo ka adlaw. Gauna kanunay kanila ang Sudlanan sa Kasabotan sa pagpangita ug dapit nga ilang kapahulayan.

Numeros 14:15

Karon, kon hutdon mo ug pamatay kini nga katawhan, ang mga nasod nga nakadungog sa imong kabantog moingon,

Mga Hebreo 6:20

diin atua si Jesus nga gauna alang kanato. Siya ang atong walay kataposan nga pangulong pari sama sa pagkapari ni Melquisedek.

Josue 3:3

ug mimando sa mga tawo, “Inigkakita ninyo nga pas-anon na sa mga pari nga kaliwat ni Levi ang Sudlanan sa Kasabotan sa Ginoo nga inyong Dios, sunod kamo kanila,

Josue 3:5

Unya giingnan ni Josue ang mga tawo, “Panghinlo kamo sa inyong kaugalingon kay ugma maghimo ang Ginoo diha kaninyo ug katingalahang mga butang.”

Josue 3:7

Unya miingon ang Ginoo kang Josue, “Sa pagabuhaton ko karong adlawa, pasidunggan ka sa katawhan sa Israel, ug mahibaloan nila nga nag-uban ako kanimo sama sa akong pag-uban kang Moises.

Josue 6:6

Busa gitawag ni Josue nga anak ni Nun ang mga pari ug giingnan, “Dad-a ninyo ang Sudlanan sa Kasabotan sa Ginoo. Mag-una ang pito kaninyo nga magtagsa ug dala ug budyong.”