Josue 3:16 - Ang Pulong sa Dios

¹⁶ mihunong dayon ang pagdagayday sa tubig. Mipundo ang tubig sa usa ka dapit nga gitawag ug Adam, usa ka lungsod duol sa Zaretan. Wala nay tubig nga nagdagayday paingon sa Patay nga Dagat, busa nakatabok ang mga tawo sa dapit nga duol sa Jerico.

Ang Biblia 2011

¹⁶ ang mga tubig nga mibaha gikan sa ibabaw mihunong ug mitingob sa usa ka pundok sa layo, didto sa Adam, ang lungsod nga tupad sa Zaretan ug kadtong mga nagbaha padulong sa dagat sa Araba, ang Dagat nga Asin, naputol sa hingpit ug ang mga tawo nanabok atbang sa Jerico.

Maayong Balita Biblia

¹⁶ mihunong pagbaha ang suba ug mipundo ang tubig sa ibabaw didto sa Adam, ang siyudad duol sa Zaretan. Ang pagbaha sa tubig ngadto sa Patayng Dagat nahunong sa hingpit ug mitabok ang katawhan ngadto sa Jerico.

Ang Bag-ong Maayong Balita Biblia

¹⁶ mihunong pagbaha ang suba ug mipundo ang tubig sa ibabaw didto sa Adam, ang siyudad duol sa Zaretan. Ang pagbaha sa tubig ngadto sa Patayng Dagat nahunong sa hingpit ug mitabok ang katawhan ngadto sa Jerico.

Josue 3:16 Cross References

Genesis 14:3

Nagkahiusa kining lima ka mga hari uban ang ilang mga sundalo didto sa Walog sa Sidim nga gitawag karon ug Patay nga Dagat.

1 Mga Hari 4:12

Si Baana nga anak ni Ahilud, ang gobernador sa Taanak, Megido, sa tibuok Bet Shan duol sa Zaretan sa ubos sa Jezreel, ug sa mga dapit gikan sa Bet Shan paingon sa Abel Mehola sa tabok sa Jokmeam.

1 Mga Hari 7:46

Gipahimo kini ni Haring Solomon pinaagi sa hulmahan nga atua sa Walog sa Jordan, sa tunga-tunga sa Sucot ug Zaretan.

Salmo 114:3

Sa pag-abot sa mga Israelinhon didto sa Pulang Dagat, daw tawo kini nga mitan-aw kanila ug midagan. Ang tubig sa Suba sa Jordan daw tawo usab nga miatras.

Salmo 114:5

Nganong midagan man ang Pulang Dagat ug miatras ang tubig sa Suba sa Jordan?

Salmo 29:10

Ang Ginoo ang nagmando sa mga baha. Nagmando siya ingon nga hari sa walay kataposan.

Salmo 33:7

Gitigom niya ang tubig sa dagat nga daw gisulod kini sa usa ka dakong pundohanan.

Salmo 66:6

Gipamala niya ang dagat; ug gitabok sa atong mga katigulangan ang suba nga naglakaw lang. Tungod niadtong gihimo sa Dios, maglipay kita.

Salmo 74:15

Ikaw ang nagpatubod sa mga tuboran ug mga sapa. Ikaw ang nagpahubas sa mga suba.

Salmo 77:19

Gilatas mo ang dagkong mga balod sa dagat, apan wala makita kon asa ka miagi.

Salmo 78:13

Gitunga niya ang dagat ug gipalatas sila; gihimo niya ang tubig nga daw mga paril.

Exodo 14:21

Unya giisa ni Moises ang iyang kamot ibabaw sa dagat, ug natunga ang dagat pinaagi sa makusog nga hangin nga gipadala sa Ginoo gikan sa sidlakan. Tibuok gabii nga kusog ang hangin hangtod nga mimala ang yuta taliwala sa dagat.

Exodo 14:22

Unya nangagi niining malang yuta ang mga Israelinhon, ug ang tubig nahimong murag paril sa ilang isigka-kilid.

Exodo 14:29

Apan ang mga Israelinhon naglakaw sa malang yuta taliwala sa dagat, diin ang mga tubig nahimong murag paril sa ilang isigka-kilid.

Exodo 15:8

Sa usa mo lang ka paghuyop napundok ang tubig. Natigom ang dakong bul-og sa tubig ug mibarog nga daw paril; nimala ang yuta taliwala sa dagat.

Isaias 50:2

Nganong wala man kamo sa akong pag-abot? Nganong wala may mitubag sa akong pagpanawag? Dili ba ako makahimo pagluwas kaninyo? Mahimo ko ganing pamad-an ang dagat sa usa lang ka pagmando ug himuon nga disyerto ang mga suba, nga mahimong hinungdan sa pagkamatay sa mga isda!

Ezequiel 47:8

Unya miingon siya kanako, “Kini nga tubig nagdagayday paingon sa kayutaan sa sidlakan paubos sa Walog sa Jordan paingon ngadto sa Patayng Dagat. Ug ang tubig sa Patayng Dagat molami na, ug dili na parat.

Nahum 1:4

Gibadlong niya ang kadagatan ug nauga kini; Gipauga niya ang mga kasapaan. Ang Basan ug Carmel nangalaya ug ang pagpamulak sa Lebanon nahanaw.

Habacuc 3:8

Nasuko ka ba sa kasapaan, Ginoo? Ang imo bang kapungot sa agos sa tubig? Napungot ka ba sa kadagatan sa dihang misakay ka sa imong mga kabayo ug sa imong mga karwahi sa kadaogan? Imong gipadayag ang imong pana, gitawag mo ang gapasan sa pana, gipikas mo ang kalibotan pinaagi sa sapa.

Numeros 34:3

“Ang utlanan sa habagatan mao ang kamingawan sa Zin, subay sa Edom ug paingon sa sidlakan ngadto sa Patay nga Dagat,

Deuteronomio 1:1

Kini nga libro mahitungod sa mga mensahe nga gisulti ni Moises ngadto sa tanang mga Israelinhon samtang didto sila sa kamingawan, sa sidlakang bahin sa Suba sa Jordan. Nagkampo sila niadto sa Walog sa Jordan duol sa Suf, sa tunga-tunga sa Paran ug sa Tofel, Laban, Hazerot, ug Dizahab.

Deuteronomio 3:17

Ang utlanan sa kasadpan mao ang Walog sa Jordan, apil ang Suba sa Jordan ug ang mga pangpang sa sidlakan niini, gikan sa Dagat sa Galilea hangtod sa Patay nga Dagat sa ubos nga bahin sa Pisga.

Josue 12:3

Sakop usab niya ang sidlakang bahin sa Walog sa Jordan, gikan sa Linaw sa Galilea hangtod sa Bet Jeshimot, sa sidlakang bahin sa Patay nga Dagat, ug hangtod pa gayod sa habagatan sa ubos nga bahin sa Pisga.

Josue 15:2

Ang utlanan niini nga yuta sa habagatan naggikan sa habagatang bahin sa Patay nga Dagat

Josue 16:7

Gikan sa Janoa milugsong kini sa Atarot ug Naara, agi sa Jerico paingon sa Suba sa Jordan.

Josue 3:13

Sa dihang motunob na sa tubig ang mga pari nga nagdayong sa Sudlanan sa Ginoo nga naggahom sa tibuok kalibotan, mohunong pagdagayday ang tubig sa Suba sa Jordan. Ang tubig nga gikan sa ibabaw mopundo sa usa ka dapit.”

Josue 4:22

suginlan ninyo sila nga milakaw ang mga Israelinhon sa mamalang yuta sa dihang mitabok sila sa Suba sa Jordan.

Josue 5:1

Nabalitaan sa tanang mga hari nga Amorihanon sa kasadpan sa Jordan ug sa tanang mga hari nga Canaanhon sa kabaybayonan sa Dagat sa Mediteraneo kon giunsa pagpamala sa Ginoo ang Suba sa Jordan sa dihang mitabok ang mga Israelinhon. Busa nahadlok sila ug nawad-ag kaisog sa pagpakig-gira sa mga Israelinhon.

Mga Maghuhukom 7:22

Ug sa dihang gipatingog sa 300 ka mga Israelinhon ang ilang mga budyong, gipaunay sa Ginoo ug away ang mga tawo sulod sa kampo. Nag-iyahay sila ug pangikyas ngadto sa Bet Shita paingon sa Zerera hangtod sa utlanan sa Abel Mehola, duol sa Tabat.