Josue 2:4 - Ang Pulong sa Dios

^4-6 Miingon si Rahab, “Tinuod nga adunay mga tawo nga mianhi dinhi apan wala ako masayod kon taga-aha sila. Mibiya sila sa dihang kilom-kilom na ug oras na sa tingsira sa pultahan sa lungsod. Wala ako makahibalo kon asa sila paingon, apan kon magdali kamo, basig maabtan pa ninyo sila.” (Apan ang tinuod gitago ni Rahab ang duha ka espiya didto sa atop sa iyang balay ug gitabonan niya sila ug mga pinutol nga tanom nga trigo nga iyang gibulad didto.)

Ang Biblia 2011

⁴ Apan ang babaye mikuha sa duha ka tawo ug gitagoan niya sila ug siya miingon, “Tinuod, may mga tawo nga mianhi kanako apan wala ako mahibalo kon diin sila gikan.

Maayong Balita Biblia

⁴ Apan gitagoan sa babaye ang duha ka tawo ug miingon siya, “Tinuod, may mga tawo nga miabot sa akong balay apan wala ako masayod kon taga diin sila.

Ang Bag-ong Maayong Balita Biblia

⁴ Apan gitagoan sa babaye ang duha ka tawo ug miingon siya, “Tinuod, may mga tawo nga miabot sa akong balay apan wala ako masayod kon taga diin sila.

Josue 2:4 Cross References

2 Mga Hari 6:19

Unya miingon si Eliseo kanila, “Dili kini mao ang dalan ug dili kini mao ang lungsod sa Dotan. Sunod kamo kanako kay dad-on ko kamo sa tawo nga inyong gipangita.” Ug gidala sila ni Eliseo sa Samaria.

Exodo 1:19

Mitubag ang mga mananabang, “Ang mga Hebreohanon nga babaye dili pareho sa mga Ehiptohanon nga babaye; dali ra silang manganak bisan dili pa makaabot ang mananabang.”

Santiago 2:25

Mao usab kini ang nahitabo kang Rahab nga nagbaligya sa iyang dungog. Gidawat niya ang mga espiya nga Israelinhon ug gitagoan sa iyang balay. Gitudloan pa niya sila sa laing agianan aron makaikyas sila. Busa tungod sa iyang gihimo gipakamatarong siya sa Dios.

Josue 2:3

Busa gipadala sa hari sa Jerico kining maong mando ngadto kang Rahab, “Pagawasa ang mga tawo nga midayon sa imong balay kay ania sila aron sa pagpangispiya sa atong dapit.”

Josue 6:17

Ang tibuok lungsod ug ang tanan nga anaa niini laglagon sa hingpit ingon nga halad ngadto sa Ginoo. Si Rahab lang nga nagbaligya sa iyang dungog ug ang tibuok niyang panimalay ang luwason tungod kay gitagoan niya ang atong mga espiya.

Josue 6:25

Apan giluwas ni Josue si Rahab ug ang iyang panimalay tungod kay gitagoan niya ang mga lalaki nga gisugo ni Josue nga mangispiya sa Jerico. Hangtod karon ang iyang mga kaliwat nagpuyo pa sa Israel.