Josue 16:3 - Ang Pulong sa Dios

³ Unya milugsong kini ngadto sa kasadpan paingon sa dapit sa mga Jafletihanon hangtod sa utlanan sa Bet Horon, lahos sa Gezer hangtod sa Dagat sa Mediteraneo.

Ang Biblia 2011

³ Unya kini midulhog ngadto sa kasadpan sa yuta sa mga Japletanon, hangtod sa yuta sa ubos nga bahin sa Bet-horon ug ngadto sa Geser ug misangko kini sa dagat.

Maayong Balita Biblia

³ Unya miabot kini sa kasadpan sa mga Japlitanon hangtod sa kapatagan sa Bet Horon. Gikan didto milahos kini sa Geser hangtod sa Dagat sa Mediteraneo.

Ang Bag-ong Maayong Balita Biblia

³ Unya miabot kini sa kasadpan sa mga Japlitanon hangtod sa kapatagan sa Bet Horon. Gikan didto milahos kini sa Geser hangtod sa Dagat sa Mediteraneo.

Josue 16:3 Cross References

1 Cronicas 20:4

Wala madugay, naggira na usab ang mga Filistihanon ug mga Israelinhon, ug didto kini mahitabo sa Gezer. Niini nga gira gipatay ni Sibecai nga taga-Husha si Sipai, nga usa sa mga kaliwat sa mga Rafa. Ug napildi ang mga Filistihanon.

1 Cronicas 7:24

Adunay anak nga babaye si Efraim nga si Sheera. Siya mao ang nagtukod sa ubos ug ibabaw nga bahin sa Bet Horon ug sa Uzen Sheera.

1 Cronicas 7:28

Ang mga yuta nga gipanag-iya ug gipuy-an sa mga kaliwat ni Efraim mao ang Betel ug ang palibot niini nga mga baryo, ang Naaran sa sidlakan, ang Gezer sa kasadpan ug ang mga baryo sa palibot niini, ang Sekem ug ang mga baryo sa palibot niini paingon sa Aya ug sa mga baryo niini.

2 Cronicas 8:5

Gipalig-on niya ang ibabaw ug ubos nga bahin sa Bet Horon. Gipalibotan niya kini ug mga paril ug gipabutangan ug mga pultahan nga adunay mga trangka.

Numeros 34:6

“Ang utlanan sa kasadpan mao ang Dagat sa Mediteraneo.

Josue 10:33

Sa dihang gisulong pa lang nila ang Lakish, si Horam nga hari sa Gezer ug ang iyang mga sundalo mitabang sa Lakish, apan gipildi gihapon sila nilang Josue ug wala gayoy nahibilin kanilang buhi.

Josue 18:13

Gikan didto, mipaingon kini ngadto sa habagatan nga bakilid sa Luz (nga mao ang Betel), unya milugsong kini sa Atarot Adar, sa bukid sa habagatang bahin sa ubos nga Bet Horon.

1 Samuel 13:18

Ang usa miadto sa Bet Horon, ug ang usa miadto sa utlanan nga nagdungaw sa Walog sa Zeboyim nga duol sa kamingawan.