Josue 11:4 - Ang Pulong sa Dios

⁴ Naabot kining tanang mga hari uban sa ilang mga kasundalohan nga daw sama kadaghan sa balas sa baybayon. Labihan usab kadaghan sa ilang mga kabayo ug mga karwahi.

Ang Biblia 2011

⁴ Sila nanggula uban ang tanan nilang mga panon sa kasundalohan, dakong panon, sama sa gidaghanon sa balas sa kabaybayonan, uban ang daghang mga kabayo ug mga karwahi.

Maayong Balita Biblia

⁴ Nangabot sila uban sa tanan nilang mga sundalo nga sama kadaghan sa balas sa kabaybayonan. Daghan silag mga kabayo ug mga karwahi.

Ang Bag-ong Maayong Balita Biblia

⁴ Nangabot sila uban sa tanan nilang mga sundalo nga sama kadaghan sa balas sa kabaybayonan. Daghan silag mga kabayo ug mga karwahi.

Josue 11:4 Cross References

Genesis 32:12

Apan misaad ka kanako nga panalanginan mo ako ug padaghanon mo ang akong mga kaliwat sama sa balas sa baybayon nga dili maihap.”

2 Samuel 17:11

“Busa tambagan ka nako nga tigoma gayod ang tanang mga Israelinhon gikan sa Dan hangtod sa Beersheba, nga daw sama kadaghan sa balas sa baybayon. Ug ikaw mismo ang mangulo kanila sa pagpakig-gira.

1 Mga Hari 4:20

Hilabihan kadaghan ang katawhan sa Juda ug Israel, sama sila sa balas sa baybayon. Abunda sila sa pagkaon ug ilimnon, ug malipayon sila.

Salmo 20:8

Sila nga nagsalig sa mga karwahi ug kabayo mangalaglag apan kami modaog ug magpabilin nga lig-on.

Josue 11:5

Naghiusa kini nga mga hari ug nagkampo sa daplin sa Sapa sa Merom aron sa pagpakig-gira sa Israel.

Mga Maghuhukom 7:12

Ang mga Midianhon, mga Amalekanhon, ug ang uban pang mga katawhan sa sidlakan nagtigom sa walog nga daw mga dulon. Ug ang gidaghanon sa ilang mga kamelyo sama kadaghan sa balas sa baybayon.

1 Samuel 13:5

Nagtigom ang mga Filistihanon aron sa pagpakig-gira sa mga Israelinhon. Adunay 3,000 sila ka mga karwahi, 6,000 ka mga tigkabayo, ug labihan kadaghang mga sundalo, nga daw sa balas sa baybayon. Nangadto sila sa Mikmas, sa sidlakan sa Bet Aven, ug didto nagkampo.