Jonas 4:8 - Ang Pulong sa Dios

⁸ Sa dihang misidlak na ang adlaw, nagpadala ang Dios ug init nga hangin gikan sa sidlakan. Nainitan ang ulo ni Jonas ug daw malipong siya. Busa nangandoy na lang siya nga mamatay. Miingon siya, “Mas maayo pa nga mamatay na lang ko kaysa mabuhi.”

Ang Biblia 2011

⁸ Sa diha nga misidlak na ang adlaw, nag-andam ang Dios ug usa ka init nga hangin sa silangan ug ang adlaw miigo sa ulo ni Jonas nga tungod niana siya naluya ug naghangyo nga mamatay na lamang unta ug siya miingon, “Maayo pa alang kanako nga mamatay kay sa mabuhi.”

Maayong Balita Biblia

⁸ Ug sa pagkaudto-udto na, nagpadala ang Dios ug hangin nga init gikan sa silangan ug naluya si Jonas tungod sa kainit sa adlaw. Busa miingon siya, “Maayo pang mamatay ako kay sa magpabiling buhi.”

Ang Bag-ong Maayong Balita Biblia

⁸ Ug sa pagkaudto-udto na, nagpadala ang Dios ug hangin nga init gikan sa silangan ug naluya si Jonas tungod sa kainit sa adlaw. Busa miingon siya, “Maayo pang mamatay ako kay sa magpabiling buhi.”

Jonas 4:8 Cross References

Genesis 41:6

Ug sa mao gihapong punoan, misubol ang laing pito ka mga uhay nga niwang ug nanguyos tungod sa kainit sa hangin gikan sa sidlakan.

1 Mga Hari 19:4

Unya mibaklay siya ug mga usa ka adlaw paingon sa kamingawan. Mihunong siya ug milingkod ilalom sa kahoy, ug nag-ampo nga mamatay na lang unta siya. Miingon siya, “Husto na, Ginoo! Kuhaa na lang ang akong kinabuhi; wala akoy kalainan sa akong mga katigulangan.”

Job 2:10

Mitubag si Job, “Walay pulos ang imong gipanulti. Ang maayo lang ba diay ang atong dawaton gikan sa Dios, ug dili ang daotan?” Bisan sa nahitabo kaniya, wala makasala si Job pinaagi sa pagsultig daotan.

Job 7:15

Mas maayo pa tuk-on na lang ako ug mamatay kaysa mabuhi niining akong lawas.

Salmo 121:6

Ang kainit sa adlaw dili makaunsa kanimo, ni ang siga sa bulan sa panahon sa kagabhion.

Salmo 39:9

Magpakahilom na lang ako; dili ako moreklamo kay imo kining pagbuot.

Ecclesiastes 7:9

Ayaw dayon kasuko, kay ang kasuko kinaiya sa mga tawong buang-buang.

Awit sa mga Awit 1:6

Ayaw ninyo ako tamaya, kay miitom ako tungod sa sobra nga pagpainit. Nasuko kanako ang akong mga igsoong lalaki ug gipatrabaho nila ako sa ubasan, busa wala na akoy panahon sa pag-atiman sa akong kaugalingon.

Isaias 49:10

Dili sila gutomon o uhawon. Dili sila maunsa sa kainit sa adlaw o sa mainit nga hangin sa disyerto. Kay ako nga adunay kaluoy kanila motultol kanila ngadto sa tuboran.

Ezequiel 19:12

Apan giibot kini sa nasuko kaniya, ug gilabay sa yuta. Nalawos kini tungod sa mainit nga hangin gikan sa sidlakan. Nalaya ang iyang lig-ong punoan ug gisunog dayon kini.

Oseas 13:15

Bisan pa ug mas mauswagon kamo kay sa inyong isigka-Israelinhon, laglagon ko gihapon kamo. Ipadala ko ang init nga hangin gikan sa disyerto sa sidlakan ug mohubas ang inyong mga tuboran ug mga atabay. Ug unya ilogon ang inyong mga mahalong kabtangan.

Levitico 10:3

Unya miingon si Moises kang Aaron, “Mao kini ang buot ipasabot sa Ginoo sa dihang miingon siya: “ ‘Kinahanglan ilhon sa mga pari ang akong pagkabalaan, ug kinahanglan pasidunggan ako sa tanang katawhan.’ ” Wala makatubag si Aaron.

Jonas 1:17

Nagpadala ang  Ginoo ug dako nga isda sa paglamoy kang Jonas, ug didto siya sa tiyan sa isda sulod sa tulo ka adlaw ug tulo ka gabii.

Jonas 1:4

Sa dihang naglawig na sila, nagpadala ang  Ginoo ug kusog nga hangin sa dagat. Kusog ang unos hangtod nga murag maguba na ang barko.

Jonas 4:3

Busa Ginoo, kuhaa na lang ang akong kinabuhi, kay mas maayo pa nga mamatay ako kaysa mabuhi.”

Jonas 4:9

Miingon ang Dios kaniya, “Angay mo bang ikasuko pag-ayo ang nahitabo sa tanom?” Mitubag siya, “Oo, angay gayod ako nga masuko. Busa mas maayo pa nga mamatay na lang ako.”

Mateo 20:12

Matod nila, ‘Ang mga naulahi, usa ka oras ra ang ilang trabaho, apan kami usa ka adlaw gayod ang among pagpasingot ug pagpainit, apan pareho ra ang imong gisweldo kanamo!’

Gipadayag 3:19

“Ang tanan nga akong gihigugma gibadlong ko ug gidisiplina. Busa paghinulsol kamo ug ayoha gayod ninyo ang inyong pamatasan.

Gipadayag 7:16

Dili na gayod sila gutomon o uhawon. Ug dili na sila mainitan o masunog sa kainit sa adlaw.

1 Samuel 3:18

Busa gisulti ni Samuel kaniya ang tanan. Wala gayod siyay gilimod. Miingon si Eli, “Siya ang Ginoo; himuon niya kon unsay maayo sumala sa iyang kabubut-on.”