Jonas 4:6 - Ang Pulong sa Dios

⁶ Apan nainitan gihapon si Jonas, busa gipatubo sa Ginoong Dios ang usa ka tanom ug gipalapaw kini kang Jonas aron malandongan siya. Nalipay pag-ayo si Jonas sa tanom.

Ang Biblia 2011

⁶ Ug ang Ginoong Dios nag-andam ug usa ka tanom ug gipatubo kini lapaw kang Jonas aron kini makahatag ug landong sa iyang ulo, aron sa pagluwas kaniya gikan sa iyang dili maayong kahimtang. Tungod niana si Jonas nalipay pag-ayo tungod sa tanom.

Maayong Balita Biblia

⁶ Unya gipatubo sa Ginoo nga Dios ang usa ka tanom aron hilandongan si Jonas. Nalipay pag-ayo si Jonas tungod sa tanom.

Ang Bag-ong Maayong Balita Biblia

⁶ Unya gipatubo sa Ginoo nga Dios ang usa ka tanom aron hilandongan si Jonas. Nalipay pag-ayo si Jonas tungod sa tanom.

Jonas 4:6 Cross References

Ester 5:9

Niadtong adlawa, malipayon si Haman nga migawas sa palasyo. Apan nasuko siya pag-ayo sa dihang nakita niya si Mordecai sa pultahan sa palasyo ug wala kini motindog o mopakita ug pagtahod kaniya.

Job 7:2

o sa ulipon nga naghandom nga mohapon na aron makapahulay na siya, o sa trabahante nga nagpaabot nga masweldohan.

Mga Panultihon 23:5

Ang bahandi mawala sa usa lang ka pagpamilok, nga daw sa aduna kini pako ug molupad palayo sama sa agila.

Isaias 39:2

Giabi-abi pag-ayo ni Ezequias ang mga mensahero ug gipakita niya kanila ang sulod sa iyang tago-anan sa bahandi nga mga pilak, mga bulawan, mga panakot, mga maayong matang sa lana, mga armas ug uban pa niyang mga bahandi. Wala gayoy bisan usa nga anaa sa iyang palasyo o gingharian nga wala niya ipakita kanila.

Amos 6:13

Naglipay kamo sa inyong kadaogan batok sa mga lungsod sa Lo Debar ug Karnaim, ug nag-ingon kamo, “Dili ba nga napildi nato sila pinaagi sa atong kaugalingong kusog?”

Jonas 1:17

Nagpadala ang  Ginoo ug dako nga isda sa paglamoy kang Jonas, ug didto siya sa tiyan sa isda sulod sa tulo ka adlaw ug tulo ka gabii.

Jonas 4:5

Nigawas si Jonas ug nilingkod sa sidlakang bahin sa siyudad. Naghimo siya ug kapasilongan didto samtang naghulat kon unsa ang mahitabo sa siyudad.

Jonas 4:7

Apan pagkasunod adlaw, sa mobanag-banag pa lang, gipakaon sa Dios ngadto sa ulod ang tanom ug namatay kini.

Lucas 10:20

Apan ayaw kamo paglipay tungod kay ang mga daotang espiritu mituman kaninyo, kondili paglipay kamo kay ang inyong ngalan nasulat na didto sa langit.”

1 Mga Taga-Corinto 7:30

Ang mga nagsubo angay nang magkinabuhi nga murag walay kasubo, ug ang mga nalipay angay nang magkinabuhi nga murag walay kalipay. Ang mga namalit dili angayng magsalig nga magpabilin kanila ang ilang mga gipamalit.