Jonas 3:4 - Ang Pulong sa Dios

⁴ Misulod si Jonas sa Nineve. Ug human sa usa ka adlaw nga pagbaktas, miingon siya sa mga katawhan, “40 na lang ka adlaw ang nabilin ug laglagon na ang Nineve!”

Ang Biblia 2011

⁴ Ug si Jonas misugod sa pagsulod sa siyudad, usa ka adlaw nga pagpanaw. Ug siya misinggit, “40 na lamang ka adlaw ug ang Ninibe magun-ob!”

Maayong Balita Biblia

⁴ Si Jonas misulod sa siyudad ug tapos sa usa ka adlawng pagbaktas miingon siya, “Laglagon ang Ninibe tapos sa 40 ka adlaw!”

Ang Bag-ong Maayong Balita Biblia

⁴ Si Jonas misulod sa siyudad ug tapos sa usa ka adlawng pagbaktas miingon siya, “Laglagon ang Ninibe tapos sa 40 ka adlaw!”

Jonas 3:4 Cross References

2 Mga Hari 20:1

Niadtong higayona nagsakit si Ezequias ug himalatyon na. Miadto kaniya si Propeta Isaias nga anak ni Amos ug miingon, “Nag-ingon ang Ginoo nga himuon mo na ang angay mong himuon kay dili ka na maulian gikan sa imong sakit kay mamatay ka na.”

2 Mga Hari 20:6

Dugangan ko pa ug 15 ka tuig ang imong kinabuhi. Luwason ka nako ug kining siyudara gikan sa kamot sa hari sa Asiria. Panalipdan ko kining siyudara alang sa akong kadungganan ug tungod kang David nga akong alagad.”

Isaias 30:18

Apan naghulat ang  Ginoo nga moduol kamo kaniya aron ikapakita niya ang iyang kaluoy kaninyo. Andam siya mopakita sa iyang pagkahangawa kaninyo. Kay ang  Ginoo matarong nga Dios, ug bulahan ang tanang nagsalig kaniya.

Jeremias 42:10

‘Kon magpabilin kamo niini nga yuta pabarogon ko kamo ug lig-onon; dili ko kamo laglagon. Nasubo gayod ako sa katalagman nga gipadala ko kaninyo.

Jonas 3:10

Sa dihang nakita sa Dios ang ilang gihimo ug giunsa nila pagbiya sa ilang daotan nga kinabuhi, Gibati siya ug kaluoy busa nausab ang iyang huna-huna ug wala na niya sila laglaga sumala sa iyang giingon nga buhaton.

Mateo 12:41

Sa adlaw sa paghukom ang mga taga-Nineve mabanhaw uban sa mga tawo niining panahona ug basulon nila kamo. Kay sa pagkadungog sa mga taga-Nineve kaniadto sa wali ni Jonas, naghinulsol sila. Karon, ania na dinhi ang labaw pa kang Jonas, apan wala kamo modawat sa iyang gitudlo.

Lucas 11:30

Ingon nga si Jonas nahimong ilhanan sa mga taga-Nineve, ang mahitabo kanako nga Anak sa Tawo mahimong ilhanan usab sa mga tawo niining panahona.

Lucas 11:32

Sa adlaw sa paghukom, ang mga taga-Nineve mabanhaw usab kauban sa mga tawo niining panahona ug basulon usab nila sila. Kay sa pagkadungog sa mga taga-Nineve niadtong wali ni Jonas, naghinulsol sila. Unya ania na dinhi ang labaw pa kay kang Jonas, apan wala kamo modawat sa iyang gipanudlo.

Deuteronomio 18:22

Kon ang gisulti sa propeta nga naggamit sa ngalan sa Ginoo dili mahitabo o matuman, kana nga mensahe dili iya sa Ginoo. Tinumotumo lang kana sa maong propeta, busa ayaw kamo kahadlok kaniya.