Jonas 2:9 - Ang Pulong sa Dios

⁹ Apan, ako, inubanan sa mga awit sa pagpasalamat, maghalad kanimo. Tumanon ko ang akong mga panaad. Ang kaluwasan gikan sa Ginoo.”

Ang Biblia 2011

⁹ Apan ako uban sa tingog sa pagpasalamat maghalad kanimo; unsay akong gipanaad akong bayran. Ang pagluwas iya sa Ginoo!”

Maayong Balita Biblia

⁹ Apan ako magdayeg ug maghalad kanimo ug tumanon ko ang akong mga panaad. Ang kaluwasan naggikan sa Ginoo!”

Ang Bag-ong Maayong Balita Biblia

⁹ Apan ako magdayeg ug maghalad kanimo ug tumanon ko ang akong mga panaad. Ang kaluwasan naggikan sa Ginoo!”

Jonas 2:9 Cross References

Genesis 35:3

Motungas kita ngadto sa Betel, ug magbuhat ako didto ug halaran ngadto sa Dios nga mitabang kanako sa diha pa ako sa kalisod, ug nag-uban kanako bisan asa ako paingon.”

2 Samuel 15:7

Paglabay sa upat ka tuig, miingon si Absalom sa hari, “Tugoti ako nga moadto sa Hebron sa pagtuman sa akong gisaad sa Ginoo.

Job 22:27

Mag-ampo ka ngadto kaniya ug pamation ka niya, ug tumanon mo ang imong mga saad kaniya.

Salmo 107:22

Angay silang mohalad ug mga halad sa pagpasalamat sa Dios; ug pinaagi sa awit sa kalipay isugilon nila ang iyang mga buhat.

Salmo 27:1

Ang Ginoo mao ang akong kahayag, manluluwas, ug tigpanalipod, busa wala akoy angayng kahadlokan.

Salmo 3:8

Ikaw, Ginoo, ang nagluwas ug nagpanalangin sa imong mga katawhan.

Salmo 50:14

“Ihalad ninyo kanako, nga Labing Halangdong Dios, ang inyong pagpasalamat, ug tumana ninyo ang inyong mga saad kanako.

Salmo 50:23

Ang gahalad kanako ug pagpasalamat nagpasidungog kanako, ug ang nagtuman sa akong mga pamaagi akong luwason.”

Salmo 68:20

Ang atong Dios, Dios nga nagluwas. Siya ang Ginoong Dios nga nagluwas kanato gikan sa kamatayon.

Salmo 95:2

Moduol kita kaniya nga adunay pagpasalamat, ug manghugyaw kita sa pag-awit ug mga pagdayeg kaniya.

Isaias 45:17

Apan luwason mo, Ginoo, ang Israel, ug ang ilang kaluwasan walay kataposan. Dili na gayod sila maulawan ug tamayon hangtod sa hangtod.

Jeremias 33:11

ang mga kalipay ug kasadya. Madungog ang paglipay sa bag-ong kasal ug sa mga tawo nga nagdalag mga halad sa pagpasalamat ngadto sa balay sa Ginoo, moingon sila, “Pasalamati ninyo ang  Ginoo nga Makagagahom, kay maayo kaayo siya. Ang iyang gugma walay kataposan.” Oo, maglipay ang mga tawo kay ibalik ko ang kanhing maayong kahimtang niini nga yuta. Ako, ang  Ginoo, ang nag-ingon niini.

Oseas 14:2

Balik kamo sa Ginoo ug ingna siya, “Ginoo, pasayloa kami sa tanan namong mga sala ug dawata kami sumala sa imong kaayo, aron nga makahalad kami kanimo ug mga pagdayeg gikan sa among mga baba.

Juan 4:22

Kamo nga mga Samarianhon wala gayod makaila kon kinsa ang inyong ginasimba. Apan kami nga mga Judio nakaila sa among ginasimba, kay pinaagi kanamo luwason sa Dios ang mga tawo.

Mga Buhat 4:12

Wala nay lain pa nga makaluwas kanato kondili si Jesus lang, tungod kay walay laing ngalan sa tibuok kalibotan nga gihatag sa Dios sa mga tawo aron maluwas kita.”

Roma 12:1

Busa mga igsoon, tungod sa kalooy sa Dios kanato, naghangyo ako kaninyo nga ihalad ninyo ang inyong kaugalingon alang sa Dios isip buhi, balaan, ug sumala sa iyang nahimut-an nga halad. Mao kini ang husto nga pagsimba sa Dios.

Deuteronomio 23:18

Ayaw gayod ninyo dad-a ngadto sa balay sa Ginoo nga inyong Dios ang kuwarta nga nakuha gikan niana nga paagi ingon nga bayad sa inyong saad sa Ginoo nga inyong Dios, kay mangil-ad gayod kini alang kaniya.

Mga Hebreo 13:15

Busa maghalad kita kanunay sa mga pagdayeg ngadto sa Dios pinaagi kang Jesus. Kini mao ang mga halad nga pulong nga maggikan sa atong baba ug magpaila kon kinsa siya.

Gipadayag 7:10

Naninggit sila nga nag-ingon, “Dalaygon ang Dios nga naglingkod sa trono, ug dalaygon usab ang Karnero, kay giluwas nila kami gikan sa silot!”

1 Samuel 12:21

Ayaw kamo pag-alagad sa mga walay pulos nga mga dios-dios. Dili sila makatabang o makaluwas kaninyo.