Joel 3:11 - Ang Pulong sa Dios

¹¹ Dali, duol kamo, tanan kamong mga nasod sa palibot. Ug pagtigom kamo didto sa Walog ni Jehosafat.” Ug karon Ginoo, ipadala ang imong mga sundalo.

Ang Biblia 2011

¹¹ Pagdali kamo ug duol ngari, kamong tanang mga nasod nga naglibot, pagpundok kamo didto. Pakanaoga ang imong mga manggugubat, O Ginoo.

Maayong Balita Biblia

¹¹ Pagdali, duol kamong tanang silingang kanasoran ug pagtigom kamo didto sa walog.’” O Ginoo, pakanaoga ang gamhanan mong kasundalohan!

Ang Bag-ong Maayong Balita Biblia

¹¹ Pagdali, duol kamong tanang silingang kanasoran ug pagtigom kamo didto sa walog.’” O Ginoo, pakanaoga ang gamhanan mong kasundalohan!

Joel 3:11 Cross References

Salmo 103:20

Dayega ninyo ang  Ginoo, kamong gamhanan niyang mga anghel nga namati ug nagtuman sa iyang mga pulong.

Isaias 10:34

Laglagon niya sila sama sa pagpamutol sa mga kahoy sa kalasangan pinaagi sa atsa. Sila nga sama sa mga kahoy sa Lebanon, laglagon sa Gamhanang Dios.

Isaias 13:3

Gisugo ko na ang akong piniling mga sundalo sa pagsilot sa mga tawong akong gikapungtan. Kini nga mga sundalo nangalipay kay nagtuo gayod sila nga himuon ko kini nga pagsilot.

Isaias 37:36

Unya miadto ang anghel sa Ginoo sa kampo sa Asiria ug gipamatay niya ang 185,000 ka mga sundalo. Pagkabuntag, pagmata niadtong nangahibiling buhi, nakita nila ang mga patayng lawas.

Joel 3:2

Tigomon ko ang mga nasod ug dad-on ko sila sa Walog ni Jehosafat. Didto hukman ko sila tungod sa ilang gihimo sa katawhan nga akong gipanag-iyahan, ang mga Israelinhon. Gipakatag nila ang akong katawhan sa ubang mga nasod ug gibahin nila ang akong yuta.

Miqueas 4:12

Apan kini nga mga nasod wala makahibalo sa akong huna-huna. Wala sila makasabot sa akong plano, nga tigomon sila aron silotan, sama nga ang uhay tigomon aron giokon.

Sofonias 3:8

Busa paabota ako, nag-ingon ang  Ginoo, kay adunay adlaw nga ako mobarog ug motestigo, Nakahukom ako nga tipunon ko ang kanasoran, tigumon ko ang mga gingharian ug akong ibubo ang akong kapungot diha kanila, ang tanan nga labihan kong kasuko. Ang tibuok kalibotan lamoyon sa kalayo sa nagselos kong kasuko.

2 Mga Taga-Tesalonica 1:7

Ug kamo nga nag-antos papahulayon niya ingon man usab kami. Mahitabo unya kini sa pagbalik ni Ginoong Jesus gikan sa langit uban sa iyang gamhanang mga anghel.

Gipadayag 19:14

Adunay nagsunod kaniya nga mga sundalo nga gikan sa langit, nga nagsakay usab sa puti nga mga kabayo, ug ang ilang bisti lino nga limpyo ug puti.