Jeremias 9:4 - Ang Pulong sa Dios

⁴ Mao kini ang giingon sa Ginoo: “Pagbantay kamo sa inyong isigka-tawo, ug ayaw kamo pagsalig sa inyong paryente, kay ang matag-usa limbongan ug tigbutang-butang.

Ang Biblia 2011

⁴ Pabantaya ang matag usa sa iyang silingan ug ayaw kamo pagsalig ni bisan kinsang igsoon; kay ang matag igsoon limbongan, ug ang matag silingan molibot ingon nga usa ka tigpanaot.

Maayong Balita Biblia

⁴ Kinahanglang magbantay ang usag-usa batok sa iyang higala ug dili mosalig sa iyang isigkatawo, kay ang tanan limbongan ug tigdaot sa iyang isigkatawo.

Ang Bag-ong Maayong Balita Biblia

⁴ Kinahanglang magbantay ang usag-usa batok sa iyang higala ug dili mosalig sa iyang isigkatawo, kay ang tanan limbongan ug tigdaot sa iyang isigkatawo.

Jeremias 9:4 Cross References

Genesis 32:28

Unya miingon ang tawo, “Sukad karon dili na Jacob ang imong ngalan kondili Israel na tungod kay nakigbisog ka sa Dios ug sa tawo, ug midaog ka.”

Salmo 101:5

Laglagon ko si bisan kinsa nga magbutang-butang sa iyang isigka-tawo. Tapuson ko ang kadaotan sa mga garboso ug mapahitas-on.

Salmo 15:3

Dili siya magbutang-butang sa uban, ug dili siya mohimo o mosulti ug daotan sa iyang isigka-tawo.

Mga Panultihon 10:18

Bakakon ang tawo nga naghambin ug kasuko, ug buang-buang ang tawong manglibak.

Mga Panultihon 25:18

Ang tawo nga nagsaksi ug bakak sa iyang isigka-tawo makapasakit nga daw sa espada, bunal, ug pana.

Mga Panultihon 4:16

Kay dili sila makatulog kon dili sila makahimog daotan o wala silay malaglag.

Mga Panultihon 4:17

Ang kadaotan ug ang kabangis daw maoy ilang kinaon ug ilimnon.

Mga Panultihon 6:16

Adunay pito  ka matang sa tawo nga gikapungtan ug gikangil-aran sa Ginoo:

Mga Panultihon 6:19

ang mga nagsaksi ug bakak, ug ang mga nagpaaway sa iyang isigka-tawo.

Isaias 59:13

Misupak kita ug nagluib sa Ginoo. Mitalikod kita sa atong Dios. Gidaog-daog ug gilupigan nato ang uban. Nagsulti kita sa mga bakak nga giplano na natong daan.

Isaias 9:16

Ang mga nangulo sa katawhan sa Israel nagpatibulaag kanila, ug ang katawhan nahisalaag gayod.

Jeremias 12:6

Bisan ang imong igsoon ug mga paryente nagluib kanimo. Nagplano silag daotan batok kanimo. Ayawg salig kanila bisan pag maayo ang ilang isulti bahin kanimo.

Jeremias 6:28

Tanan sila mga masinupakon ug mga gahig ulo, sama kagahi sa bronsi ug puthaw. Wala silay laing gihimo kondili ang pagbutang-butang ug pagtunto sa uban.

Jeremias 9:8

Ang ilang mga dila daw makamatay nga mga pana. Pulos bakak ang ilang gisulti. Mosulti silag maayo ngadto sa ilang isigka-tawo, apan sulod sa ilang kasing-kasing nagplano sila sa pagdaot kanila.

Ezequiel 22:9

Adunay mga tawo diha kanimo nga nagbutang-butang aron ipapatay ang uban. Aduna usay mga tawo diha nga nagkaon sa mga halad ngadto sa mga dios-dios didto sa simbahanan sa mga bukid ug naghimo sa malaw-ay nga mga buhat.

Levitico 19:16

“ ‘Ayaw kamo panglibak sa inyong isigka-tawo. Ayaw kamo paghimo ug bisan unsa nga makadaot sa iyang kinabuhi. Ako mao ang Ginoo.

Malaquias 2:10

Miingon si Malakias sa mga Israelinhon: Dili ba kitang tanan adunay usa lang ka amahan? Ug dili ba nga usa lang ka Dios ang nagbuhat kanato? Nganong giluiban man nato ang usag usa? Niining atong gihimo, gipakawalay-bili nato ang kasabotan sa Dios sa atong mga katigulangan.

Mateo 10:17

Pagbantay kamo, kay dakpon nila kamo ug dad-on ngadto sa mga hukmanan ug latigohon kamo didto sa sulod sa ilang mga sinagoga.

Mateo 10:21

“Adunay mga tawo nga mounay pagtugyan sa ilang igsoon aron patyon. Adunay mga amahan nga mopapatay sa ilang mga anak. Ug adunay mga anak nga makigbatok sa ilang mga ginikanan, ug mopapatay kanila.

Lucas 21:16

Bisan gani ang inyong kaugalingon nga mga ginikanan, mga igsoon, mga paryente, ug mga higala magsumbong batok kaninyo. Ug ang uban kaninyo patyon gayod nila.

1 Mga Taga-Tesalonica 4:6

aron dili kamo makalapas sa katungod o makapanglimbong sa inyong isigka-tumutuo pinaagi sa pagpanapaw sa iyang asawa. Gisulti na namo kini kaninyo kaniadto ug gipahimangnoan gayod namo kamo nga ang nagbuhat niini silotan sa Ginoo.